ആര്‍ത്തവ സമയത്ത് സ്ത്രീ ശരീരത്തില്‍ പല മാററങ്ങളും സംഭവിയ്ക്കുന്നുണ്ട്. സ്ത്രീ ശരീരത്തെ പ്രത്യുല്‍പാദനത്തിന് തയ്യാറാക്കുന്നതാണ് ആര്‍ത്തവവും തുടര്‍ന്നുള്ള ഓവുലേഷന്‍ പ്രക്രിയയും. ആര്‍ത്തവ, ഓവുലേഷന്‍ പ്രക്രിയകള്‍ക്ക് പ്രധാന കാരണം ശരീരത്തില്‍ നടക്കുന്ന ഹോര്‍മോണ്‍ വ്യത്യാസങ്ങള്‍ തന്നെയാണ്. ഇതിനാല്‍ തന്നെ ഇത് ശാരീരികവും മാനസികവുമായ പല വ്യത്യാസങ്ങളും വരുത്തുന്നുണ്ട്. ആര്‍ത്തവം യൂട്രസുമായി ബന്ധപ്പെട്ട പ്രക്രിയയാണ്. ഇതിനാല്‍ തന്നെ ആര്‍ത്തവ സമയത്ത് ചില മാറ്റങ്ങള്‍ യൂട്രസില്‍ വരുന്നുണ്ട്.

​ആര്‍ത്തവ സമയത്ത്

ആര്‍ത്തവ സമയത്ത് യൂട്രസ് വലിപ്പം കൂടും എന്നൊക്കെ പലരും ചിന്തിയ്ക്കുന്നു. എന്നാല്‍ ഇതില്‍ വാസ്തമില്ല. യൂട്രസ് വലിപ്പത്തില്‍ വ്യ്ത്യാസം വരുന്നില്ല. എന്നാല്‍ അല്‍പം വീര്‍ത്ത അവസ്ഥ ഈ ഘട്ടത്തിലുണ്ടായേക്കാം. പലര്‍ക്കും ആര്‍ത്തവ സമയത്ത് വയറ്റില്‍ കനം അനുഭവപ്പെടുന്നുവെന്നു പറഞ്ഞു കേള്‍ക്കാം. ഇതിന് കാരണം യൂട്രസ് വലിപ്പമല്ല, രക്തത്തിന്റെ അളവ് വര്‍ദ്ധിയ്ക്കുന്നതാണ്. ഈ സമയത്തുണ്ടാകുന്ന ഗ്യാസ്, വെള്ളം എന്നിവയെല്ലാം തന്നെ ഇത്തരം തോന്നലിന് കാരണമാകുന്നു. ഇതിന് യൂട്രസ് വലിപ്പവുമായി യാതൊരു ബന്ധവുമില്ലെന്നതാണ് വാസ്തവം.

യൂട്രസ്

ആര്‍ത്തവ സമയത്ത് യൂട്രസ് ലൈനിംഗ് അര സെന്റീമീറ്റര്‍ കട്ടി കൂടുന്നു. ഈ പാളികളും ആര്‍ത്തവ സമയത്ത് പുറന്തള്ളപ്പെടുന്നു. ഇതാണ് കട്ടിയുള്ള പാളികളായി രക്തത്തിലൂടെ പുറത്തു പോകുന്നത്. ഇതിനു കാരണം ഹോര്‍മോണുകള്‍ തന്നെയാണ്. ഗര്‍ഭധാരണത്തിന് വേണ്ടി ശരീരം കാത്തു വയ്ക്കുന്നതാണ് ഈ പ്രക്രിയകള്‍. കുഞ്ഞിനായി രൂപപ്പെടുത്തുന്നതാണ് യൂട്രസ് ഭിത്തിയിടെ ഈ കട്ടി. ഗര്‍ഭധാരണം നടക്കാതെയാകുമ്പോള്‍ ഇത് പുറത്തു പോകുന്നു. ഇതെല്ലാം വയറ്റിന് കനവും തോന്നിപ്പിയ്ക്കുന്നു.

ഹോര്‍മോണുകളും

ആര്‍ത്തവത്തോടനുബന്ധമായി പല ഹോര്‍മോണുകളും ഉല്‍പാദിപ്പിയ്ക്കപ്പെടുന്നുണ്ട്. ഈസ്ട്രജന്‍, പ്രൊജസ്‌ട്രോണ്‍ ഹോര്‍മോണുകളാണ് പ്രധാനപ്പെട്ടവ. ഇതല്ലാതെ ല്യൂട്ടിനൈസിംഗ് ഹോര്‍മോണ്‍, ഫോല്ലിക്കിള്‍ സ്റ്റിമുലേറ്റിംഗ് ഹോര്‍മോണും ഉല്‍പാദിപ്പിയ്ക്കപ്പെടുന്നു. പിറ്റിയൂറ്ററി, ഹൈപ്പോതലാമസ് എന്നിവയാണ് പ്രധാനമായും ഹോര്‍മോണുകള്‍ ഉല്‍പാദിപ്പിയ്ക്കുന്നുത്. സ്ത്രീ ഹോര്‍മോണ്‍ എന്നറിയപ്പെടുന്ന ഈസ്ട്രജന്‍ ഹോര്‍മോണ്‍ ഓവുലേഷന്‍ സമയത്ത് വര്‍ദ്ധിയ്ക്കുന്നു. ഇതാണ് വര്‍ദ്ധിച്ച യോനീസ്രവത്തിനു കാരണമാകുന്നത്.

​ആര്‍ത്തവ കാലത്ത്

ആര്‍ത്തവ കാലത്ത് സ്ത്രീയുടെ യൂട്രസില്‍ ഇത്തരം മാററങ്ങള്‍ വരുന്നതല്ലാതെ ഈ സമയത്ത് യൂട്രസ് വലിപ്പം വര്‍ദ്ധിയ്ക്കുന്നതായി പഠനങ്ങള്‍ പറയുന്നില്ല. സിസ്‌ററുകള്‍, ഫൈബ്രോയ്ഡുകള്‍ എന്നിവയെല്ലാമുണ്ടെങ്കില്‍ യൂട്രസ് വലിപ്പത്തില്‍ വ്യത്യാസങ്ങള്‍ വരാം. സാധാരണ ആര്‍ത്തവ ചക്രം 28-35 ദിവസങ്ങള്‍ വരെയാകാം. ചിലര്‍ക്ക് ആര്‍ത്തവ ചക്രം 40 ദിവസത്തേക്കാള്‍ കവിഞ്ഞു പോകുന്നു. ഇത് ലോംഗര്‍ മെന്‍സ്ട്രല്‍ സൈക്കിള്‍ എന്ന് അറിയപ്പെടുന്നു. ചിലരില്‍ ഇത് 21 ദിവസത്തേക്കാള്‍ കുറഞ്ഞതും. ഇത് ഷോര്‍ട്ടര്‍ മെന്‍സ്ട്രല്‍ സൈക്കിളാണ്. തൈരാണ് താരം, കാരണമിതാണ്…….