ആരോഗ്യകരമായ ഭക്ഷണങ്ങളുടെ കൂട്ടത്തില്‍ പ്രധാനപ്പെട്ടതാണ് ഓട്‌സ്. ഇത് നല്‍കുന്ന ഗുണങ്ങള്‍ പലതാണ്. ഏതു രോഗാവസ്ഥയിലുളളവര്‍ക്കും കഴിയ്ക്കാവുന്ന നല്ലൊരു ഭക്ഷണ വസ്തുവാണ് ഇത്. ഏതു പ്രായക്കാര്‍ക്കും ചേര്‍ന്ന ഭക്ഷണം. ഇത് പ്രമേഹ രോഗികള്‍ക്കും തടി കുറയ്ക്കാനുമെല്ലാം ഏറെ നല്ലതാണ്. മാംഗനീസ്, ഫോസ്ഫറസ്, മഗ്നീഷ്യം, കോപ്പര്‍, അയേണ്‍, സിങ്ക്, ഫോളേറ്റ് , വൈറ്റമിന്‍ ബി1, ബി5 തുടങ്ങിയ പല ഘടകങ്ങളും അടങ്ങിയിട്ടുമുണ്ട്. കാല്‍സ്യം, പൊട്ടാസ്യം, വൈറ്റമിന്‍ ബി6, വൈറ്റമിന്‍ ബി3, എന്നീ ഘടകങ്ങളും ഇതില്‍ അടങ്ങിയിട്ടുണ്ട്. പെട്ടെന്നു ദഹിയ്ക്കാന്‍ കഴിയുന്ന ഒരു ഭക്ഷണമാണ് ഓട്‌സ്.

​ഓട്‌സ്

ഓട്‌സ് ഗുണം നല്‍കണമെങ്കില്‍ കഴിയ്ക്കുന്ന രീതി ഏറെ പ്രധാനമാണ്. പലരും ഓട്‌സ് പൊതുവേ കുറുക്കിയാണ് കഴിയ്ക്കാറ്. പാലൊഴിച്ചും അല്ലാതെയുമെല്ലാം. എന്നാല്‍ ഈ രീതിയില്‍ കുറുക്കി കഴിയ്ക്കുമ്പോള്‍ ഓട്‌സിന്റെ ഗുണം കാര്യമായി ലഭിയ്ക്കില്ല. ഇത് ഒരുമിച്ചു ചെയ്യുമ്പോള്‍ ഇത് പെട്ടെന്ന് തന്നെ ഒരുമിച്ച് രക്തത്തിലേയ്ക്ക് ആഗിരണം ചെയ്യപ്പെടുന്നു. അതായത് ഗ്ലൂക്കോസ് പെട്ടെന്നു തന്നെ രക്തത്തിലേയ്ക്ക് വലിച്ചെടുക്കുന്നു. എന്നാല്‍ പുട്ടോ ഇഡ്ഡലിയോ ഉപ്പുമാവോ ഒക്കെയായി കഴിയ്ക്കുമ്പോള്‍ മെല്ലെ മെല്ലെ ദഹിച്ച് പതുക്കെ മാത്രമേ ഗ്ലൂക്കോസ് പുറപ്പെടുവിയ്ക്കൂ. പ്രമേഹത്തിനും തടി കുറയ്ക്കാനുമെല്ലാം ശ്രമിയ്ക്കുന്നവര്‍ ഇതിനാല്‍ ന്നെ ഈ രീതിയില്‍ ഓട്‌സ് കഴിയ്ക്കുന്നതാണ് നല്ലത്.

തടി കുറയ്ക്കാന്‍

ഇതു പോലെ തടി കുറയ്ക്കാന്‍ ശ്രമിയ്ക്കുന്നവരെങ്കില്‍ രാവിലെ പ്രാതലായോ അതോ ഉച്ച ഭക്ഷണത്തിനും രാവിലെയുള്ള ഭക്ഷണത്തിനും ഇടയിലായോ ഇത് കഴിയ്ക്കുന്നതാണ് നല്ലത്. 11 മണിയ്ക്ക് ഓട്‌സ് കഴിയ്ക്കുമ്പോള്‍ വിശപ്പു കുറയും. ഇതിലെ നാരുകള്‍ ദഹിയ്ക്കുവാന്‍ സമയമെടുക്കും. ഇതു കൊണ്ടു തന്നെ ഉച്ചഭക്ഷണം അമിതമായി കഴിയ്ക്കുന്നത് ഒഴിവാക്കാന്‍ സാധിയ്ക്കും. ഇതില്‍ ധാരാളം പ്രോട്ടീനുകളുമുണ്ട്. പ്രോട്ടീന്‍ അടങ്ങിയ ഭക്ഷണങ്ങള്‍തടി കുറയ്ക്കാന്‍ ഏറെ അത്യാവശ്യം വേണ്ട ഒന്നാണ്.

​ഇതില്‍

ഇതില്‍ പഞ്ചസാര പോലുള്ള മധുരങ്ങള്‍ ചേര്‍ത്തു കഴിയ്ക്കുമ്പോള്‍ ഇതിന്റെ ഗുണം ലഭിയ്ക്കുന്നില്ല. പഞ്ചസാര ആരോഗ്യത്തിന് ദോഷമാണ്. ഇത് ഓട്‌സിന്റെ ഗുണവും നശിപ്പിയ്ക്കുന്നു. ഇതു പോലെ തന്നെ തടി കുറയ്ക്കാന്‍ ശ്രമിയ്ക്കുന്നവര്‍ ഇത് കൊഴുപ്പുള്ള പാലിനൊപ്പം കഴിയ്ക്കുന്നതും ഗുണം കുറയ്ക്കും. പകരം ഫ്രൂട്‌സ്, പച്ചക്കറികള്‍, നട്‌സ് എന്നിവ ചേര്‍ത്ത് കഴിയ്ക്കുന്നത് ഏറെ നല്ലതാണ്. ഇവയെല്ലാം പോഷക സമൃദ്ധവുമാണ്, തടി കുറയ്ക്കാനും നല്ലതാണ്.

ബീറ്റാഗ്ലൂക്കോണ്‍

ധാരാളം ബീറ്റാഗ്ലൂക്കോണ്‍ അടങ്ങിയിരിയ്ക്കുന്ന ഒന്നു കൂടിയാണ് ഓട്‌സ്. തടി കുറയ്ക്കാന്‍ ഇത സഹായിക്കുന്നതിന്റെ പ്രധാനപ്പെട്ട ഒരു കാരണവും ബീറ്റാ ഗ്ലൂക്കോണ്‍ തന്നെയാണ്.ബീറ്റാ ഗ്ലൂക്കോണ്‍ ശരീരത്തിന്റെ ബിഎംഐ, അതായത് ബോഡി മാസ് ഇന്‍ഡെക്‌സ് നിയന്ത്രിച്ചു നിര്‍ത്താന്‍ സഹായിക്കുന്ന ഒന്നാണ്. തടിയും വയറും കുറയ്ക്കാന്‍ മാത്രമല്ല, ക്ഷീണം മാറാനും ഏറെ നല്ലതാണ് ഓട്‌സ്. പതുക്കെ ദഹിച്ച് ഊര്‍ജം ശരീരത്തിനു ലഭ്യമാക്കുന്നു. ശാരീരിക പ്രവര്‍ത്തനങ്ങളെ സജീവമാക്കി നിര്‍ത്തുന്നു. Also read: കിടക്കാന്‍ നേരം പുരട്ടിയാല്‍ നിറയൗവനം ഫലം