വിറ്റാമിൻ ഇ ഓയിൽ ഉണ്ടെങ്കിൽ സൗന്ദര്യം പിന്നാലെ; ഉപയോഗിക്കാൻ 3 വിധം

​വിറ്റാമിൻ ഇ നൽകുന്ന ഗുണങ്ങൾ

വിറ്റാമിൻ ഇ പോഷകത്തെക്കുറിച്ച് പറഞ്ഞു തുടങ്ങാൻ ആണെങ്കിൽ ഇത് നൽകുന്ന ഗുണങ്ങൾ ഒട്ടനവധിയുണ്ട്. ആന്റിഓക്‌സിഡന്റ് ഗുണങ്ങളുടെ കലവറയാണ് വിറ്റാമിൻ ഇ. അതുകൊണ്ടുതന്നെ ഇത് ചർമത്തിൽ ഉപയോഗിക്കുന്നത് ഉപയോഗിക്കുന്നത് വഴി ഇനി പറയുന്ന ഗുണങ്ങൾ ലഭിക്കും.

> ചർമ്മത്തിലുണ്ടാകുന്ന നേർത്ത വരകൾ പോലുള്ളവ കുറയ്ക്കുന്നു. വാർദ്ധക്യ സംബന്ധമായ അടയാളങ്ങൾക്ക് കാലതാമസം വരുത്തുന്നു

> ചർമത്തെ ആഴത്തിൽ മോയ്സ്ച്ചുറൈസ് ചെയ്യുന്നു.

> മുഖക്കുരുവിന്റെ സാധ്യതകളും പ്രകോപനങ്ങളും കുറയ്ക്കുന്നു

> സൂര്യതാപത്തെ സുഖപ്പെടുത്തുന്നു, ഇതുമൂലം ഉണ്ടാവുന്ന ടാന്നുകൾ പാടുകൾ കുറയ്ക്കുന്നു

> ഹൈപ്പർപിഗ്മെന്റേഷൻ പ്രശ്നങ്ങൾ കുറയ്ക്കുന്നു

ഓയിൽ രൂപത്തിൽ ലഭിക്കുന്ന ഈയൊരു പോഷകം നിങ്ങളുടെ ചർമ്മസംരക്ഷണ ദിനചര്യയിൽ ഉൾപ്പെടുത്തുന്നത് വഴി അനവധി ഗുണങ്ങൾ ലഭിക്കുമെന്ന് വ്യക്തമാണ്. ചർമ്മത്തിന്റെ ഘടനയും രൂപവും മെച്ചപ്പെടുത്താൻ മാത്രമല്ല, സൂര്യപ്രകാശം, മലിനീകരണം എന്നിവ മൂലമുണ്ടാകുന്ന പ്രശ്നങ്ങളിൽ നിന്ന് നിങ്ങളുടെ ചർമ്മത്തെ സംരക്ഷിക്കുന്നതിനുള്ള പ്രതിരോധം ഇത് നൽകുന്നു. ചർമ്മത്തിൽ വിറ്റാമിൻ ഇ ഉപയോഗിക്കുന്നതിനുള്ള 3 എളുപ്പവഴികളെ പരിചയപ്പെട്ടാലോ?

​ഫെയ്സ് മാസ്ക്

നിങ്ങളുടെ പ്രതിവാര ഫെയ്സ് മാസ്കിൽ വിറ്റാമിൻ ഇ ഓയിൽ ചേർത്ത് ഉപയോഗിക്കുന്നത് ചർമ്മത്തിന് സ്വാഭാവിക തിളക്കം പകരാനും ഫ്രീ റാഡിക്കലുകൾ മൂലമുണ്ടാകുന്ന നാശനഷ്ടങ്ങളെ ചെറുക്കാനും ചർമത്തിന് ആവശ്യമായ പോഷണം ഉറപ്പാക്കാനും സഹായം ചെയ്യും. വിറ്റാമിൻ ഇ തികച്ചും വൈവിധ്യമാർന്നതും നിങ്ങൾ ഉപയോഗിക്കുന്ന ഏതുതരം ഫെയ്സ് മാസ്കുകളിലും ചേർക്കാൻ കഴിയുന്നതുമാണ്. നിങ്ങൾ വീട്ടിൽ തന്നെ തയാറാക്കുന്ന മാസ്കുകൾ ആയാലും അല്ലെങ്കിൽ പുറത്തു നിന്ന് വാങ്ങുന്ന മാസ്കുകൾ ആയാലും ഇതിൽ ഇവ ചേർത്താൽ ഒരുപോലെ അതിൻ്റെ ഗുണങ്ങൾ ഇരട്ടിയാവും. വിറ്റാമിൻ ഇ ഓയിൽ ചേർത്ത ഒരു മൾട്ടാനി മിട്ടി, മലായ് ഫെയ്സ് പാക്ക് ചർമത്തിന് ഏറ്റവും നല്ലതാണ്. മുൾട്ടാനി മിട്ടി ഒരു ശക്തമായ ക്ലെൻസറാണ്, ഇത് ചർമത്തിലെ അഴുക്കും അധിക എണ്ണമയവും എളുപ്പത്തിൽ ഒഴിവാക്കാൻ സഹായിക്കും. അതേസമയം മലായ് അതിന്റെ മോയ്സ്ചറൈസിംഗ് ഗുണങ്ങൾക്ക് പേരുകേട്ടതാണ്. ക്ലെൻസിങ് മോയിസ്ചറൈസിംഗ് ഗുണങ്ങൾ നൽകുന്ന ഈ രണ്ടു ചേരുവകളോടൊപ്പം ഫെയ്‌സ് പായ്ക്കിൽ 5-8 തുള്ളി വിറ്റാമിൻ ഇ ഓയിൽ ചേർക്കുന്നത് ചർമ്മത്തെ ആഴത്തിൽ പരിപോഷിപ്പിക്കുന്നതിനും സുഖപ്പെടുത്തുന്നതിനും അതേസമയം ആരോഗ്യകരമായ തിളക്കം നൽകുന്നതിനും സഹായിക്കും.

​സ്കിൻ സെറം

ചർമ്മത്തിന്റെ സംരക്ഷണത്തിനായി നമ്മളെല്ലാം ഏറ്റവും കൂടുതൽ ഉപയോഗിക്കുന്ന ഒന്നാണ് സ്കിൻ സെറമുകൾ. വിപണികളിൽ തന്നെ ഇന്ന് ഓരോരുത്തരുടെയും ചർമഘടനയെ അനുയോജ്യമാക്കി വിവിധ തരത്തിലുള്ള സെറമുകൾ ലഭ്യമാണ്. എന്നാൽ വിറ്റാമിൻ ഇ നൽകുന്ന ഗുണങ്ങളുടെയത്ര വരില്ല ഇത്തരം സെറമുകൾ ഒന്നും തന്നെ. അതിനാൽ തന്നെ ഇക്കാര്യത്തിൽ നിങ്ങൾക്ക് ആവശ്യമുള്ള ഘടകം വിറ്റാമിൻ ഇ തന്നെ. ഓരോതവണ സ്കിൻ സെറമുകൾ ചർമ്മത്തിൽ പുരട്ടാൻ എടുക്കുമ്പോൾ രണ്ട് തുള്ളി വിറ്റാമിൻ ഇ ഓയിൽ ഇതിലേക്ക് ചേർക്കുക. ആൻറിഓക്സിഡൻ്റൽ ഗുണങ്ങളുള്ള വിറ്റാമിൻ ഇ നിങ്ങളുടെ ചർമ്മസംരക്ഷണ ദിനചര്യയിൽ ചേർക്കുന്നത് വഴി മുഖക്കുരുവിന്റെ സാധ്യതകളെ അകറ്റിനിർത്താനാവും. ഇത് മുഖത്തിന് സ്വാഭാവിക തിളക്കം പകർന്നു നൽകുകയും ചെയ്യും.

Also read: ആണും പെണ്ണും ഒരുപോലെ അറിഞ്ഞിരിക്കേണ്ട 5 സൗന്ദര്യ മന്ത്രങ്ങൾ

​ഉപയോഗിക്കേണ്ടത്

നിങ്ങളുടെ മുഖത്ത് ടോണർ പ്രയോഗിച്ചതിന് ശേഷം, വിരലുകളിൽ 4-5 തുള്ളി വിറ്റാമിൻ ഇ ഓയിൽ എടുത്ത് മറ്റ് സെറമുകളോടൊപ്പം കലർത്തി സാധാരണ ചെയ്യുന്നതുപോലെ മുഖത്ത് പുരട്ടുക. അടുത്തതായി, ഒരു മോയ്‌സ്ചുറൈസർ പ്രയോഗിക്കുക. ഈയൊരു പ്രവർത്തി നിങ്ങളുടെ രാത്രികാല ദിനചര്യയുടെ ഭാഗമായി ഉപയോഗിക്കാൻ ശുപാർശ ചെയ്യുന്നു. കാരണം വിറ്റാമിൻ ഇ ചർമ്മത്തെ എണ്ണമയമുള്ളതാക്കി തീർക്കാൻ സാധ്യതയുണ്ട്. അതുകൊണ്ടുതന്നെ ചെയ്യാൻ എപ്പോഴും അനുയോജ്യം രാത്രിസമയം തന്നെയാണ്.

Also read: ചർമ്മ സൗന്ദര്യം മെച്ചപ്പെടുത്തും ഈ ഹെർബൽ ബാത്ത് പൗഡർ

​മോയ്സ്ചുറൈസർ

വിറ്റാമിൻ ഇ ഉപയോഗിക്കാനുള്ള മറ്റൊരു രീതി അത് ഒരു മോയ്സ്ചുറൈസറിനോടൊപ്പം ചേർത്ത് ഉപയോഗിക്കുക എന്നതാണ്. ഒരു മോയ്‌സ്ചുറൈസറിൽ ഇത് കൂട്ടിചേർക്കുമ്പോൾ ഇത് കൂടുതൽ ഫലപ്രദമായി മാറുന്നു. ചർമ്മ സുഷിരങ്ങളിലേക്ക് കടന്നുചെന്നുകൊണ്ട് ആഴത്തിൽ ഈർപ്പം പകർന്നു നൽകാൻ കഴിയുന്ന ഒന്നായി ഈ വിറ്റാമിൻ പ്രവർത്തിക്കും. നിങ്ങളുടെ പതിവ് മോയ്‌സ്ചുറൈസിങ്ങ് വഴി ലഭിക്കുന്ന ഗുണങ്ങളെ ഇരട്ടിയാക്കാൻ സഹായിക്കുന്ന ഇത് മുഖത്തിന് തിളക്കം നൽകുക മാത്രമല്ല ചർമ്മം കൂടുതൽ മിനുസമാർന്നതും പ്രശ്നങ്ങൾ ഇല്ലാത്തതുമായി നിലനിർത്തുകയും ചെയ്യും. മറ്റ് രീതികളിൽ വിറ്റാമിൻ ഈ നിങ്ങൾ ചർമത്തിൽ ഉപയോഗിക്കുന്നില്ലെങ്കിൽ ടോണറും സെറവും പ്രയോഗിച്ചു കഴിഞ്ഞാൽ എല്ലാ ദിവസവും 3-4 തുള്ളി വിറ്റാമിൻ ഇ നിങ്ങളുടെ മോയ്‌സ്ചുറൈസറിൽ ചേർത്ത ശേഷം ഉപയോഗിക്കാം.