ചർമ്മ സൗന്ദര്യം മെച്ചപ്പെടുത്തും ഈ ഹെർബൽ ബാത്ത് പൗഡർ

ചർമ്മസംരക്ഷണത്തിനായി എല്ലാവരും ഔഷധ ധസസ്യങ്ങളും പ്രകൃതിദത്തമായ ചേരുവകളും എല്ലായ്പ്പോഴും ശുപാർശ ചെയ്യുന്നത് എന്തുകൊണ്ടാണെന്ന് എപ്പോഴെങ്കിലും ചിന്തിച്ചിട്ടുണ്ടോ? അതിന് ഒരുപാട് കാരണങ്ങളുണ്ട്. ഔഷധ സസ്യങ്ങൾ ചർമ്മത്തെ സ്വാഭാവികമായും ഈർപ്പമുള്ളതാക്കിയും ആരോഗ്യകരമായ രീതിയിലും നിലനിർത്തും. തിളങ്ങുന്ന ചർമ്മത്തിനാണ് നിങ്ങൾ ആഗ്രഹിക്കുന്നത് എങ്കിൽ ആയുർവേദം തന്നെയാണ് അതിന്റെ ഉത്തരം.



പുരാതന കാലം മുതൽ തന്നെ ആയുർവേദ ഹെർബൽ ബാത്ത് പൗഡറുകൾ ഇന്ത്യയിൽ ഉപയോഗിക്കുന്നുണ്ട്. മാത്രമല്ല ഇതിെൻറ ഫലങ്ങളും മികച്ചതാണ്. ഇത് നമ്മുടെ ചർമ്മത്തെ പാടുകൾ മായ്‌ക്കുക മാത്രമല്ല ചെയ്യുന്നത്, തിളക്കമുള്ള ചർമ്മം പ്രദാനം ചെയ്യുകയും ചെയ്യും. എങ്ങനെ വീട്ടിൽ ഒരു ഹെർബൽ ബാത്ത് പൗഡർ ഉണ്ടാക്കാം എന്നാണ് നോക്കാം.

ആയുർവേദ ഹെർബൽ ബാത്ത് പൗഡർ തയ്യാറാക്കാനുള്ള ചേരുവകൾ:

-2 ടീസ്പൂൺ കടലമാവ്

-2 ടീസ്പൂൺ ചെറുപയർ പൊടി

2 ടീസ്പൂൺ കസ്തൂരി മഞ്ഞൾ

1 ടീസ്പൂൺ റോസാപ്പൂ ഇതൾ പ്പൊടി

1 ടീസ്പൂൺ ചന്ദനപ്പൊടി

1 ടീസ്പൂൺ വേപ്പ് പൊടി

1 ടീസ്പൂൺ ഉണങ്ങിയ നെല്ലിക്ക പൊടി

100 ഗ്രാം ഓറഞ്ച് തൊലി

1 കപ്പ് തെച്ചിപ്പൂ

നിർജ്ജീവ ചർമ്മം നീക്കാൻ കാപ്പിപ്പൊടി കൊണ്ട് സ്‌ക്രബ് തയ്യാറാക്കാം

-എല്ലാ ചേരുവകളിലെയും ഏതെങ്കിലും തരത്തിലുള്ള മാലിന്യം കലർന്നിട്ടുണ്ടോ എന്ന് പരിശോധിക്കുന്നതാണ് ആദ്യ ഘട്ടം.

-ഉണങ്ങിയ മിശ്രിതം തയ്യാറാക്കാൻ എല്ലാ ചേരുവകളും 2, -3 ദിവസം നന്നായി നന്നായി ഉണങ്ങി എന്ന് ഉറപ്പാക്കണം. ചേരുവകളിലൊന്നും ചെറുതായി പോലും ജലാശം ഉണ്ടാകരുത്.

-ഇനി എല്ലാ ചേരുവകളും ഒരു ബ്ലെൻഡറിൽ ഇട്ട് നന്നായി പൊടിച്ചെടുക്കുക.

-ഫെയ്സ് മാസ്കായാണ് ഇത് ഉപയോഗിക്കുന്നത് എങ്കിൽ, ഇത് പൊടിച്ച ശേഷം ഫിൽട്ടർ ചെയ്ത് എടുക്കണം. നന്നായി അരഞ്ഞ പേസ്റ്റ് ഉണ്ടാക്കാൻ ഈ ടിപ്പ് ശരിക്കും സഹായിക്കും.

-വീട്ടിൽ നിർമ്മിച്ച ഈ ഹെർബൽ ബാത്ത് പൗഡർ ഇനി വായു കടക്കാത്ത ഒരു കണ്ടെയ്നറിൽ സൂക്ഷിക്കണം.

ഓർമ്മിക്കേണ്ട ചില കാര്യങ്ങൾ:



-ആവശ്യത്തിന് മാത്രം ഹെർബൽ ബാത്ത് പൗഡർ തയ്യാറാക്കുക. അങ്ങനെ ചെയ്താൽ അതെപ്പോഴും ഫ്രഷ് ആയി നിൽക്കും. ബാക്കി ഉണ്ടെങ്കിൽ ഇത് റഫ്രിജറേറ്ററിൽ സൂക്ഷിക്കണം.

-നിങ്ങൾക്ക് അലർജിയുള്ള ഏതെങ്കിലും ചേരുവകൾ കൂട്ടത്തിൽ ഉണ്ടെങ്കിൽ ഒഴിവാക്കാൻ മടിക്കേണ്ടതില്ല.

-ഹെർബൽ ബാത്ത് പൗഡർ ഉപയോഗിച്ച് കുളിച്ചതിന് ശേഷം ഉടൻ മോയ്‌സ്ചുറൈസർ പ്രയോഗിക്കണം.

-പൊടി ഉപയോഗിച്ച് ചർമ്മത്തിൽ കഠിനമായി തടവരുത്. പതിയെ മാത്രം തേച്ച് പിടിപ്പിക്കുക.

-റിയാക്ഷൻ എന്തെങ്കിലും ഉണ്ടാവുകയാണെങ്കിൽ ഉപയോഗം നിർത്തിവെക്കണം.

ഹെർബൽ ബാത്ത് പൗഡർ എങ്ങനെയെല്ലാം ഉപയോഗിക്കാം?



പ്ലെയിൻ വാട്ടർ, റോസ് വാട്ടർ, പാൽ അല്ലെങ്കിൽ തൈര് എന്നിവയിൽ ഈ പൊടി കലർത്തി മുഖത്ത് പുരട്ടാം. ബോഡി വാഷ് ഉണ്ടാക്കാനാണെങ്കിൽ ആവശ്യമായ അളവിൽ പൗഡർ എടുത്ത് കഞ്ഞി വെള്ളത്തിലോ പാലിലോ കലർത്തി ചർമ്മത്തിൽ പുരട്ടിയ ശേഷം നന്നായി കഴുകുക.

താരൻ അകറ്റാൻ ഈ ഉലുവാ-തൈര് മാസ്ക് മാത്രം മതി

ആയുർവേദ ഹെർബൽ ബാത്ത് പൗഡർ എങ്ങനെ സഹായിക്കുന്നു?

1. ചർമ്മത്തെ വൃത്തിയാക്കുന്നു

വീട്ടിലുണ്ടാക്കുന്ന ഈ ബാത്ത് പൗഡർ ചർമ്മത്തെ നന്നായി വൃത്തിയാക്കും. കടലമാവ്, വേപ്പ് തുടങ്ങിയ ചേരുവകൾ ചർമ്മത്തിന്റെ വരൾച്ച, ചൊറിച്ചിൽ, ചുവപ്പ് പാട് എന്നിവ ഒഴിവാക്കും.

2. എക്സ്ഫോളിയൻറായി പ്രവർത്തിക്കുന്നു

ആയുർവേദ ഹെർബൽ പൗഡർ ഒരു എക്സ്ഫോളിയൻറായി പ്രവർത്തിക്കുന്നു. ഇത് നിർജീവമായ തൊലി നീക്കം ചെയ്യുകയും ചർമ്മത്തെ മാലിന്യങ്ങളിൽ നിന്ന് സംരക്ഷിക്കുകയും ചെയ്യുന്നു. ഓറഞ്ച് തൊലിയും ചെറുപയറും ചർമ്മത്തെ കൂടുതൽ മൃദുവാക്കാൻ സഹായിക്കും.

3. ചർമ്മത്തിലെ അണുബാധ തടയുന്നു

വീട്ടിലുണ്ടാക്കുന്ന ബാത്ത് പൗഡറിൽ ഉപയോഗിക്കുന്ന മിക്ക ചേരുവകളിലും ആൻറിഓക്‌സിഡൻറുകൾ അടങ്ങിയിരിക്കുന്നതിനാൽ അവ ചർമ്മ അണുബാധയും അലർജിയും തടയും.

4. പാടുകൾ കുറയ്ക്കുന്നു

റോസ് ദളങ്ങൾ, നെല്ലിക്ക എന്നിവ പോലുള്ള ചേരുവകൾ പതിവായി ഉപയോഗിക്കുകയാണെങ്കിൽ മുഖം തിളങ്ങി നിൽക്കും. വാസ്തവത്തിൽ, നെല്ലിക്ക മുഖക്കുരുവും കളങ്കങ്ങളും ഇല്ലാതാക്കും.

5. ചർമ്മത്തിന് തിളക്കം നൽകുന്നു

ചന്ദനത്തിൽ ത്വക്കിന് തിളക്കമുണ്ടാക്കുന്ന സ്വാഭാവിക ഘടകങ്ങൾ അടങ്ങിയിരിക്കുന്നു. മാത്രമല്ല ഇത് പല ഫേസ് പാക്കുകളിലും ഉപയോഗിക്കുന്നുമുണ്ട്. ഇത് ഒരു മൃദുവായ എക്സ്ഫോളിയൻറായി പ്രവർത്തിക്കുന്നതിനാൽ ചർമ്മത്തിലെ നിർജീവമായ കോശങ്ങൾ നീക്കംചെയ്യും. ചർമ്മത്തിന് നല്ല തിളവും നൽകും.