തടി കുറയ്ക്കുകയെന്നത് ഏറെ ആരോഗ്യകരമാണ്. പലരും ഇത് സൗന്ദര്യപരമായി കാണുന്നുവെങ്കിലും ഇത് ആരോഗ്യത്തിന് ഗുണകരമാണ്. തടി കൂടാന്‍ കാരണങ്ങള്‍ പലതുമുണ്ട്. ഇതില്‍ വ്യായാമക്കുറവും ഭക്ഷണ ശീലങ്ങളും മുതല്‍ ചില രോഗങ്ങളും സ്‌ട്രെസ് പോലുള്ള ചില കാരണങ്ങളുമല്ലൊം തന്നെ പെടുന്നു. തടി കുറയ്ക്കാന്‍ ഭക്ഷണമെന്നത് വളരെ പ്രധാനമാണ്. അതായത് ഡയറ്റ്. എന്നാല്‍ ഭക്ഷണം ഉപേക്ഷിച്ച് തടി കുറയ്ക്കാന്‍ നോക്കുന്നത് അശാസ്ത്രീയവും അനാരോഗ്യകരവുമാണ്. ആരോഗ്യം കളയാതെ വേണം, തടി കുറയ്ക്കാന്‍. ഇതിന് സഹായിക്കുന്ന ഒരു വഴിയെക്കുറിച്ചറിയൂ.

​തടിയും വയറും കുറയ്ക്കാന്‍

തടിയും വയറും കുറയ്ക്കാന്‍ ഭക്ഷണ കാര്യം പറയുമ്പോള്‍ തന്നെ പ്രാതല്‍ അഥവാ ബ്രേക്ഫാസ്റ്റ് ഏറെ പ്രധാനമാണ്. ഇത് ഉപേക്ഷിയ്ക്കുന്നത് തടി കൂടാനുള്ള കാരണമാണ്. അനാരോഗ്യകരവും. ഏറെ നേരത്തെ ഇടവേളക്കു ശേഷം ലഭിയ്ക്കുന്ന ഭക്ഷണമാണ് പ്രാതല്‍ ഇതില്‍ നിന്നാണ് ശരീരത്തിന് വേണ്ട ഊര്‍ജം സംഭരിയ്ക്കുന്നത്. അതായത് ഒരു ദിവസത്തേക്കു വേണ്ട ഊര്‍ജം. ഇത് ഉപേക്ഷിയ്ക്കുന്നത് ആരോഗ്യത്തിന് ദോഷകരവുമാണ്. മാത്രമല്ല, ശരീരം കൊഴുപ്പു സൂക്ഷിച്ചു വയ്ക്കാനും ഷുഗര്‍ തോത് കൂടാനുമെല്ലാം പ്രാതല്‍ ഉപേക്ഷിയ്ക്കുന്നത് കാരണമാകും.

മുട്ട

പലരും തടി കൂടുമെന്ന പേടി കൊണ്ടാണ് പ്രാതല്‍ ഉപേക്ഷിയ്ക്കുന്നത്. പ്രാതലിന് നമുക്ക് കഴിയ്ക്കാവുന്ന ആരോഗ്യകരമായ ഒരു ഭക്ഷണ വിഭവം തയ്യാറാക്കാം. ഇത് ഓട്‌സ്-മുട്ട ഓംലറ്റാണ്. ഏറെ ആരോഗ്യകരമായ, അതേ സമയം തടി കുറയ്ക്കാന്‍ ശ്രമിയ്ക്കുന്നവര്‍ക്ക് പരീക്ഷിയ്ക്കാവുന്ന ഒന്നാണിത്. മുട്ട പൊതുവേ സമീകൃതാഹാരമാണ്. ഇത് പ്രോട്ടീന്‍ സമ്പുഷ്ടമാണ്. പ്രോട്ടീന്‍ സമ്പുഷ്ടമായ ഭക്ഷണങ്ങള്‍ തടി കുറയ്ക്കാന്‍ ഏറെ പ്രധാനമാണ്. മുട്ടയില്‍ ധാരാളം വൈറ്റമിനുകളും പ്രോട്ടീനുണ്ട്. തടി കുറയ്ക്കാന്‍ സഹായിക്കുന്ന അധികം കലോറിയില്ലാത്ത, അതേ സമയം പെട്ടെന്ന് വയര്‍ നിറയാന്‍ സഹായിക്കുന്ന ഒന്നാണിത്.

ഓട്‌സ്

ഇതു പോലെ ഓട്‌സ് പൊതുവേ ആരോഗ്യകരമാണ്. ധാരാളം നാരുകള്‍ അടങ്ങിയ ഇത് പല അസുഖങ്ങള്‍ക്കുമുള്ള നല്ലൊരു പരിഹാരം കൂടിയാണ്. മാംഗനീസ്, ഫോസ്ഫറസ്, മഗ്നീഷ്യം, കോപ്പര്‍, അയേണ്‍, സിങ്ക്, ഫോളേറ്റ് , വൈറ്റമിന്‍ ബി1, ബി5 തുടങ്ങിയ പല ഘടകങ്ങളും അടങ്ങിയിട്ടുമുണ്ട്. കാല്‍സ്യം, പൊട്ടാസ്യം, വൈറ്റമിന്‍ ബി6, വൈറ്റമിന്‍ ബി3, എന്നീ ഘടകങ്ങളും ഇതില്‍ അടങ്ങിയിട്ടുണ്ട്. പെട്ടെന്നു ദഹിയ്ക്കാന്‍ കഴിയുന്ന ഒരു ഭക്ഷണമാണ് ഓട്‌സ്. ബീറ്റാ ഗ്ലൂക്കോണ്‍ ശരീരത്തിന്റെ ബിഎംഐ, അതായത് ബോഡി മാസ് ഇന്‍ഡെക്‌സ് നിയന്ത്രിച്ചു നിര്‍ത്താന്‍ സഹായിക്കുന്ന ഒന്നാണ്. ധാരാളം ബീറ്റാഗ്ലൂക്കോണ്‍ അടങ്ങിയിരിയ്ക്കുന്ന ഒന്നു കൂടിയാണ് ഓട്‌സ്.

ഓംലറ്റ്

ഓട്‌സ് പൊടിച്ചെടുക്കണം. ഇതില്‍ മുട്ട പൊട്ടിച്ചൊഴിച്ച് നല്ലതു പോലെ ഇളക്കാം. കുരുമുളകു പൊടി, മഞ്ഞള്‍പ്പൊടി, മറ്റു പച്ചക്കറികള്‍ എന്നിവ ചേര്‍ക്കാം. ഇത് സാധാരണ ഓംലറ്റ് രൂപത്തില്‍ ഉണ്ടാക്കാം. ഒലീവ് ഓയില്‍ ഉപയോഗിച്ച് ഉണ്ടാക്കുന്നതാണ് കൂടുതല്‍ നല്ലത്. അല്ലെങ്കില്‍ വെളിച്ചെണ്ണ. ഇത് ഏറെ ആരോഗ്യകരമായ പ്രാതലാണ്. ശരീരത്തിന് വേണ്ട പോഷകങ്ങള്‍ നല്‍കുന്ന ഇത് തടി കുറയ്ക്കാനും നല്ലതാണ്. വയര്‍ പെട്ടെന്നു നിറയും. വിശപ്പു കുറയ്ക്കും. ഏതു പ്രായക്കാര്‍ക്കും പരീക്ഷിയ്ക്കാവുന്ന ഒന്നാണിത്. Also read: കിടക്കാന്‍ നേരം പുരട്ടിയാല്‍ നിറയൗവനം ഫലം