മുടി നരയ്ക്കുന്നത് പലരേയും അലട്ടുന്ന പ്രശ്‌നമാണ്. പ്രായമാകുമ്പോള്‍ ഇത് സ്വാഭാവികമെങ്കിലും ചിലര്‍ക്ക് അകാലനര വരാറുണ്ട്. ഇതിന് പല കാരണങ്ങളുമുണ്ട്. സ്‌ട്രെസ്, മുടിയില്‍ കെമിക്കലുകള്‍, മുടി പരീക്ഷണങ്ങള്‍, തലയില്‍ ഒഴിക്കുന്ന വെള്ളം, പോഷകക്കുറവ്. ചില ഹോര്‍മോണ്‍ പ്രശ്‌നങ്ങള്‍ എന്നിവയെല്ലാം തന്നെ ഇതിന് കാരണമാകുന്നു. ഇതിന് പരിഹാരമായി പലരും കൃത്രിമ ഡൈ ആണ് പരീക്ഷിയ്ക്കുന്നത്. ഇത് ദോഷമാണ് വരുത്തുക. കാരണം ഇതിലെ കെമിക്കലുകള്‍ പല രോഗങ്ങള്‍ക്കും കാരണമാകുന്ന ഒന്നാണ്. പരിഹാരമായി ചെയ്യാവുന്ന പല വീട്ടുവൈദ്യങ്ങളുമുണ്ട്. ഇത്തരത്തില്‍ വീട്ടില്‍ തന്നെ ചെയ്യാവുന്ന ഒരു വഴി നോക്കൂ.

നെല്ലിക്ക

ഇതിനായി രണ്ടേ രണ്ടു ചേരുവകളാണ് വേണ്ടത്. നെല്ലിക്ക, ഹെന്ന പൗഡര്‍ അഥവാ മയിലാഞ്ചിപ്പൊടി എന്നിവയാണ് ഇതിനായി വേണ്ടത്. നെല്ലിക്ക വൈറ്റമിന്‍ സിയാല്‍ സമ്പുഷ്ടമാണ്. മുടി നരയ്ക്കുന്നതു തടയാന്‍ മാത്രമല്ല, മുടി വളരാനും മുടിയുടെ നര മാറി കറുപ്പാകാനുമെല്ലാം ഇതേറെ നല്ലതു തന്നെയാണ്. മുടിയുടെ പല പ്രശ്‌നങ്ങള്‍ക്കുമുളള നല്ലൊരു മരുന്നാണ് ഇത് പ്രകൃതിദത്ത കണ്ടീഷനറായി പ്രവർത്തിക്കുകയും കട്ടിയുള്ളതും ശക്തവുമായ മുടി നൽകുകയും ചെയ്യും. ശിരോചർമ്മത്തിലേക്കുള്ള രക്തചംക്രമണം വർദ്ധിപ്പിക്കുന്നതിലൂടെ നെല്ലിക്കയിൽ അടങ്ങിയിരിക്കുന്ന പോഷകങ്ങൾ മുടിയുടെ വളർച്ചയെ ഉത്തേജിപ്പിക്കും.

ഹെന്ന

മുടിയുടെ നര മറയ്ക്കാൻ ഉപയോഗിക്കുന്ന പ്രകൃതിദത്തമായ മാർഗ്ഗമാണ് ഹെന്ന. നമ്മുടെ സാക്ഷാൽ മൈലാഞ്ചി ഉപയോഗിച്ച് ഉണ്ടാക്കിയെടുക്കുന്ന ഒരു കൂട്ടാണിത്.മുടിക്ക് കട്ടി തോന്നിപ്പിക്കാനും താരൻ അകറ്റാനും തലയ്ക്ക് കൂടുതൽ തണുപ്പ് നൽകാനും ഹെന്ന വളരെയധികം പ്രയോജനപ്രദമാണ്. ഉപയോഗിക്കുന്ന രീതിക്കനുസരിച്ച് ഹെന്നപ്പൊടിയോടൊപ്പം പല ചേരുവകളും ചേർക്കാവുന്നതാണ്.

​ഇതുണ്ടാക്കാന്‍

ഇതുണ്ടാക്കാന്‍ ഉണക്ക നെല്ലിക്ക വേണം. ഇത് വീട്ടില്‍ വച്ച് ഉണക്കിയെടുക്കുകയോ അല്ലെങ്കില്‍ വാങ്ങുകയോ ചെയ്യാം ഇത് ഏഴ്, എട്ടെണ്ണം എടുക്കുക. ഒരു ഇരുമ്പു ചട്ടിയില്‍ വെളിച്ചെണ്ണ ഒഴിയ്ക്കുക. ഇതിലേയ്ക്ക് ഈ നെല്ലിക്ക ഇട്ടു വേവിയ്ക്കുക. ഇതിലെ നെല്ലിക്ക കറുപ്പാകും വരെ വേവിക്കണം. തീ ഓഫാക്കി ഇതിലേയ്ക്ക് അല്‍പം വെള്ളവും ഒഴിച്ചു വയ്ക്കണം. ഇത് നെല്ലിക്ക അരയ്ക്കാന്‍ പാകത്തിന് മൃദുവാകാന്‍ വേണ്ടിയാണ്. നെല്ലിക്ക വെളിച്ചെണ്ണയില്‍ ഇട്ട് വേവിയ്ക്കുമ്പോള്‍ തന്നെ ഇത് കട്ടിയാകും. ഇതിനായാണ് ഈ കുട്ടില്‍ വെള്ളമൊഴിച്ചു വയ്ക്കുന്നത്. ഇത് നെല്ലിക്ക മൃദുവാക്കും.

മുടി നര

നെല്ലിക്ക മൃദുവായിക്കഴിഞ്ഞാല്‍ ഇത് അരച്ചെടുക്കാം. പാകത്തിന് ഇതിട്ടു വച്ചിരിയ്ക്കുന്ന വെളിച്ചെണ്ണ-വെള്ളക്കൂട്ടില്‍ നിന്നുള്ള പാനീയം എടുത്ത് നെല്ലിക്കയില്‍ ചേര്‍ത്ത് അരക്കണം. ഇത് ബാക്കിയുള്ള വെളിച്ചെണ്ണ മിക്‌സ് കൂട്ടി ഇളക്കി ഡൈ പരുവമാക്കണം. ഇതിലേയ്ക്ക് അര മുറി നാരങ്ങാനീരും പിഴിഞ്ഞൊഴിക്കണം. ഇത് തലേന്നു തയ്യാറാക്കി പിറ്റേന്ന് ഉപയോഗിയ്ക്കാം. ഇത് പുരട്ടുന്നതിന്റെ തലേന്ന് തലയില്‍ വെളിച്ചെണ്ണ തേച്ചു കുളിയ്ക്കാം. പിറ്റേന്ന് ഇതു പുരട്ടി രണ്ടു മണിക്കൂര്‍ കഴിഞ്ഞ് കഴുകാം. ഷാംപൂ ഉപയോഗിയ്ക്കരുത്. ഇത് ആഴ്ചയില്‍ രണ്ടു ദിവസം വീതം ഒരു മാസം ചെയ്താല്‍ മുടി നര കറുപ്പാകും. മുടിയുടെ വളര്‍ച്ചയ്ക്കും തിളക്കത്തിനും ആരോഗ്യത്തിനുമെല്ലാം ഇതേറെ നല്ലതാണ്‌. Also read: മുടി തഴച്ച് വളരണമെന്ന് ആഗ്രഹമുണ്ടോ?