ചര്‍മ മുഖ സൗന്ദര്യത്തിന് സഹായിക്കുന്നതില്‍ ചര്‍മ സംരക്ഷണവും ഒപ്പം ആരോഗ്യ സംരക്ഷണവും ഏറെ പ്രധാനമാണ്. ചര്‍മത്തിന് തൊലിപ്പുറത്തു മാത്രമുള്ള സംരക്ഷണമല്ല, ഉള്ളില്‍ നിന്നും പ്രധാനമാണ്. മുഖത്തെ ചുളിവുകള്‍ പലരേയും അലട്ടുന്ന പ്രശ്‌നമാണ്. ഇതിന് പലരും പല ക്രീമുകളും മറ്റും ഉപയോഗിയ്ക്കുന്നു. ഇതൊന്നുമില്ലാതെ ചെയ്യാവുന്ന ചില പ്രത്യേക കാര്യങ്ങളുണ്ട്. ചര്‍മ സൗന്ദര്യം നില നിര്‍ത്താന്‍ ചെയ്യാവുന്ന ചില പ്രത്യേക കാര്യങ്ങള്‍.

​രാവിലെ ഉണര്‍ന്ന ഉടൻ

രാവിലെ ഉണര്‍ന്ന ഉടൻ തന്നെ മുഖം കഴുകിയ ശേഷം മൃദുവായൊന്ന് മുഖം മസാജ് ചെയ്യുന്നത് ഏറെ ഗുണം ചെയ്യും. ഇത് മുഖത്തെ ചുളിവുകൾ കുറയ്ക്കുകയും ചര്‍മത്തെ മിനുസപ്പെടുത്തുകയും മുഖം തിളക്കമുള്ളതാക്കാനും സഹായിക്കുന്നു. മസാജിനായി ക്രീമോ എണ്ണയോ ഉപയോഗിക്കണമെന്നില്ല. ഇത് രക്തചംക്രമണം മെച്ചപ്പെടുത്താനും സമ്മർദ്ദം ഒഴിവാക്കാനും മുഖത്തെ തിളക്കം തിരികെ കൊണ്ടുവരാനും സഹായിക്കും. ചര്‍മത്തിന് തിളക്കം കിട്ടാനുള്ള മികച്ച മാർഗമാണിത്.

​ആ​രോ​ഗ്യകരമായ ഭക്ഷണങ്ങൾ

ആരോഗ്യകരമായ ഭക്ഷണങ്ങൾ ചർമ്മത്തിൽ ജലാംശം വർദ്ധിപ്പിക്കുകയും തിളക്കമാർന്നതാക്കുകയും ചെയ്യുന്നു. പ്രഭാത ഭക്ഷണത്തിൽ ബദാം, മുട്ട, അവാക്കാഡോ, പഴങ്ങൾ, ഫ്‌ളാക്സ് സീഡുകള്‍ എന്നിവ ഉൾപ്പെടുത്തുക. ഇത് നിങ്ങളുടെ ശരീരത്തിന് മാത്രമല്ല ചര്‍മത്തിനും ഗുണം ചെയ്യും. തിളക്കമുള്ളതും ആരോഗ്യകരമായ ചർമ്മം നേടാൻ വെള്ളം ധാരാളമുള്ള തണ്ണിമത്തന്‍, കുക്കുമ്പര്‍ പോലുള്ളവ കഴിയ്ക്കുന്നത് നല്ലതാണ്. മാസ്‌കിടുമ്പോള്‍ വായനാറ്റമോ? വായ്‌നാറ്റം രോഗ ലക്ഷണം കൂടി

​വെളളം കുടിയ്ക്കുന്നത്

വെളളം കുടിയ്ക്കുന്നത് ചര്‍മത്തിന് ഏറെ ഗുണകരമാണ്.രാവിലെ ഉണര്‍ന്ന ഉടൻ ഒരു ഗ്ലാസ് ചെറുചൂടുവെള്ളം ദിവസവും കുടിക്കുന്നത് തെളിഞ്ഞതും തിളക്കമുള്ളതുമായ ചര്‍മം നേടാന്‍ സഹായിക്കും. ചെറുചൂടുവെള്ളത്തിൽ നാരങ്ങ നീരും തേനും ചേർക്കുന്നത് ചര്‍മത്തിന് പോഷകങ്ങളും വിറ്റാമിനുകളും കിട്ടുന്നതിന് വളരെ നല്ലതാണ്. ചര്‍മ സംരക്ഷണത്തിന് ദിവസവും രാവിലെ ഗ്രീൻ ടീ കുടിക്കുന്നതും മികച്ചതാണെന്ന് ചില പഠനങ്ങൾ പറയുന്നു.

​വ്യായാമം

വ്യായാമം ആരോഗ്യത്തിനും ചര്‍മത്തിനും പ്രധാനമാണ്. രാവിലെ വ്യായാമം ചെയ്യുന്നത് മനസ്സിനെ ശാന്തമാക്കുക മാത്രമല്ല ചര്‍മത്തെ എന്നത്തേക്കാളും തിളക്കമുള്ളതാക്കുകയും ചെയ്യുന്നു. ശരീരത്തിലെ രക്തപ്രവാഹം വര്‍ദ്ധിപ്പിയ്ക്കുകയും വർദ്ധിപ്പിക്കുകയും ചര്‍മ നിറവും ഘടനയും മെച്ചപ്പെടുത്തുകയും ചെയ്യും. യോഗ, ഓട്ടം, നടത്തം പോലുള്ള വ്യായാമങ്ങൾ ചെയ്യാൻ ദിവസവും രാവിലെ അരമണിക്കൂർ മാറ്റിവയ്ക്കുക. ഇത് കൊളാജൻ ഉത്പാദനം മെച്ചപ്പെടുത്തുകയും നന്നായി ഉറങ്ങാൻ സഹായിക്കുകയും ചെയ്യുന്നു.ചര്‍മത്തിന് ഇറുക്കം നല്‍കുന്നത് കൊളാജനാണ്.