![ശിവസേന [ഷിൻഡെ വിഭാഗം]](https://www.udayakeralam.com/wp-content/uploads/2025/02/ss-360x180.jpg)
വാഹനങ്ങളിലെ ഹോണും ലൈറ്റുമൊക്കെ ഉപയോഗിച്ച് ഇവയെ ഓടിക്കാന്‍ ശ്രമിക്കുമ്പോഴാണ് പലപ്പോഴും ഈ മൃഗങ്ങള്‍ അക്രമസക്തരാകുന്നത്. അത്തരത്തിലൊരു വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്. പത്തനംതിട്ട സീതത്തോട് നിന്നുള്ള കാട്ട് പോത്ത് ആക്രമണത്തിന്റെ വീഡിയോയാണിത്. മനുഷ്യര്‍ അവരെ പ്രകോപിപ്പിച്ചാല്‍ മാത്രമേ പലപ്പോഴും വന്യ മൃഗങ്ങള്‍ മനുഷ്യരെ ഉപദ്രവിക്കാറുള്ളൂ എന്നതിന്റെ തെളിവ് കൂടിയാണ് ഈ വീഡിയോ.
രാത്രി കാട് ഇറങ്ങി വന്ന ഭീമന്‍ കാട്ട് പോത്താണ് ആക്രമിക്കുന്നത്. ഒരു ഓട്ടോയ്ക്ക് നേരെ ചീറി പാഞ്ഞ് വരുന്ന കാട്ട് പോത്ത് ഓട്ടോ കുത്തി മറിയ്ക്കുന്നത് കാണാം. ഓട്ടോയുടെ പുറകിലുള്ള വാഹനത്തിലിരുന്നവരാണ് ഈ വീഡിയോ പകര്‍ത്തിയത്. കാട്ട് പോത്തിനെ കണ്ടിട്ടും ഓട്ടോക്കാരന്‍ വാഹനം മാറ്റാതെ അതിന്റെ അടുത്തേക്ക് പോയതോടെ ആണ് കാട്ടുപോത്ത് പ്രകോപിതനാകുന്നത്.
സോഷ്യല്‍ മീഡിയയിലൂടെ ഈ ഞെട്ടിക്കുന്ന ദൃശ്യങ്ങള്‍ പുറത്ത് വന്നത്. മൃഗത്തില്‍ നിന്ന് കൃത്യമായ അകലം പാലിക്കാതെ അതിനെ പ്രകോപിപ്പിക്കുന്ന തരത്തില്‍ പെരുമാറിയതോടെ അത് അക്രമാസക്തനാകുന്നത്. ഇതിന് ശേഷം കാട്ടുപോത്ത് വനത്തിന് അകത്തേക്ക് പോകുന്നതും വീഡിയോയില്‍ കാണാം.
പലപ്പോഴും ഇത്തരം വഴികളിലൂടെ സഞ്ചരിക്കുന്ന ആളുകള്‍ വേണ്ട മുന്‍കരുതലുകള്‍ സ്വീകരിക്കേണ്ടത് അത്യാവശ്യമാണെന്നാണ് ഈ വീഡിയോ ഓര്‍മിപ്പിക്കുന്നത്. കര്‍ണാടകയിലെ കബനി നാഷണല്‍ പാര്‍ക്കില്‍ കാട്ടാന (Elephant) സഫാരി ജീപ്പിലെ യാത്രക്കാരെ ആക്രമിക്കാന്‍ ശ്രമിക്കുന്ന വീഡിയോ സോഷ്യല്‍ മീഡിയയില്‍ കഴിഞ്ഞ ദിവസം വൈറലായിരുന്നു.
![ശിവസേന [ഷിൻഡെ വിഭാഗം]](https://www.udayakeralam.com/wp-content/uploads/2025/02/ss-120x86.jpg)
