ഇനിയൊരിക്കലും ചെയ്യില്ല, പിണങ്ങല്ലെ ടീച്ചറെ; ഈ ക്യൂട്ട് മാപ്പുപറച്ചില്‍ ആരെയും ചിരിപ്പിക്കും

Teena Mathew | Samayam Malayalam | Updated: Sep 14, 2022, 3:14 PM

ക്ലാസില്‍ വികൃതി കാണിച്ചതിന് പിണങ്ങിയിരിക്കുന്ന അധ്യാപികയോട് കൊഞ്ചുന്ന ഒരു കൊച്ചു മിടുക്കനാണ് വീഡിയോയിലുള്ളത്.

teacher and kid — അധ്യാപികയോട് പരിഭവം പറയുന്ന വിദ്യാര്‍ത്ഥി

രസകരവും വ്യത്യസ്തവുമായി നിരവധി വീഡിയോകള്‍ ദിവസവും സോഷ്യല്‍ മീഡിയയില്‍ വൈറലാകാറുണ്ട്. കുട്ടികളുടെ വീഡിയോകള്‍ക്കാണ് ആരാധകര്‍ ഏറെ എന്നതാണ് മറ്റൊരു പ്രത്യേകത. കുഞ്ഞുങ്ങളുടെ തമാശകളും കളികളും ഇഷ്ടപ്പെടാത്തവരായി ആരുമുണ്ടാകില്ല. അത്തരത്തിലൊരു വീഡിയോയാണ് ഇപ്പോള്‍ സോഷ്യല്‍ മീഡിയയുടെ ഹൃദയം കവരുന്നത്.ക്ലാസുകളില്‍ കുറുമ്പ് കാണിക്കാത്ത കുട്ടികള്‍ വളരെ കുറവായിരിക്കും. കൊച്ചു കുട്ടികളുടെ കുസൃതികള്‍ക്ക് കണ്ണുരുട്ടിയും ചൂരല്‍ എടുത്തും വഴക്ക് പറയുന്ന ടീച്ചര്‍മാരെ നമുക്ക് അറിയാം. അതില്‍ നിന്നെല്ലാം വ്യത്യസ്തമായൊരു അധ്യാപികയുടെയും കുഞ്ഞിന്റെയും വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്.

ക്ലാസില്‍ വികൃതി കാണിച്ചതിന് പിണങ്ങിയിരിക്കുന്ന അധ്യാപികയോട് കൊഞ്ചുന്ന ഒരു കൊച്ചു മിടുക്കനാണ് വീഡിയോയിലുള്ളത്. വികൃതി കാണിച്ച ശേഷം ഇനി ഞാനൊരിക്കലും അങ്ങനെ ചെയ്യില്ല എന്നാണ് കുട്ടി അധ്യാപികയോട് പറയുന്നത്. എന്നാല്‍ നീ ചെയ്യില്ല ചെയ്യില്ല എന്ന് പറഞ്ഞിട്ട് അതേ തെറ്റ് വീണ്ടും ചെയ്യുകയാണ് ഇനി ഞാന്‍ നിന്നോട് സംസാരിക്കില്ല എന്നാണ് അധ്യാപിക പറയുന്നത്.

Also Read:ഒറ്റ ശ്വാസത്തില്‍ 75 ജില്ലകളുടെ പേര് പറഞ്ഞ് നാലാം ക്ലാസുകാരി; ഇവള്‍ ആള്‍ സൂപ്പറാണെന്ന് സോഷ്യല്‍ മീഡിയ

എന്നാല്‍ താന്‍ ഇനി ശരിക്കും ആവര്‍ത്തിക്കില്ല എന്ന ഉറപ്പ് നല്‍കുന്ന കുട്ടി പിണക്കം മാറാന്‍ അധ്യാപികയുടെ കവിളില്‍ ഉമ്മ കൊടുക്കുന്നതും കാണാം. പരസ്പരം സങ്കടം പറഞ്ഞും പിണങ്ങിയുമൊക്കെ അവര്‍ പങ്കിടുന്ന ആ നിമിഷം എന്തായാലും സോഷ്യല്‍ മീഡിയയുടെ ഹൃദയം കവര്‍ന്നു.

ഇനി ഇങ്ങനെ ചെയ്യില്ലെന്ന് ടീച്ചറിന് അവന്‍ വാക്ക് കൊടുക്കുന്നതും കാണാം.

അധ്യാപിക മിണ്ടാതിരിക്കുമ്പോളുള്ള അവന്റെ സങ്കടം കണ്ട് അധ്യാപികയ്ക്ക് ചിരി വരുന്നതും കാണാം. ക്ലാസിലെ മറ്റ് കുട്ടികള്‍ ഇവരുടെ സംഭാഷണം നോക്കി നില്‍ക്കുന്നതും വീഡിയോയില്‍ കാണാം. മൂന്ന് ലക്ഷത്തിലധികം പേരാണ് ഈ ക്യൂട്ട് വീഡിയോ ഇതുവരെ കണ്ടത്. ഇത് എവിടെ നിന്നുള്ള വീഡിയോയാണെന്നോ അധ്യാപികയെയോ കുട്ടിയെ കുറിച്ചോ കൂടുതല്‍ വിവരങ്ങളോ ലഭ്യമല്ല.

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക