ട്രെയിന്‍ യാത്രയ്ക്കിടെ യുവതിയ്ക്ക് പ്രവസവേദന; സുരക്ഷിതമായി പ്രസവമെടുത്ത് മെഡിക്കല്‍ വിദ്യാര്‍ത്ഥിനി

പുലര്‍ച്ചെ മൂന്നരയോടെ ആണ് യുവതിയുടെ ഭര്‍ത്താവ് ഡോക്ടറിന്റെ അടുത്ത് എത്തി പ്രസവ വേദന ആരംഭിച്ചതായി അറിയിച്ചത്. പിന്നെ ഒരു നിമിഷം പോലും ചിന്തിച്ച് നില്‍ക്കാതെ സ്വാതി ഉടനടി ഇവരുടെ അടുത്തേക്ക് എത്തുകയായിരുന്നു. ഇവര്‍ സഞ്ചരിച്ചിരുന്ന തേര്‍ഡ് എസി കമ്പാര്‍ട്ടുമെന്റില്‍ വച്ചാണ് പ്രസവം നടന്നതെന്ന് ഡോക്ടര്‍ സ്വാതി ദേശീയ മാധ്യമങ്ങള്‍ക്ക് നല്‍കിയ അഭിമുഖത്തില്‍ പറഞ്ഞു.

Also Read:ലോകത്തിലെ ഏറ്റവും പ്രായം കുറഞ്ഞ ജീവനക്കാര്‍; നാല് വയസു വരെയുള്ള കുട്ടികള്‍ക്ക് ജോലി നല്‍കി ജപ്പാന്‍

അവസാന വര്‍ഷ മെഡിക്കല്‍ വിദ്യാര്‍ഥിനിയായ സ്വാതി ആദ്യമായാണ് ഒരു പ്രസവം തന്നെ കൈകാര്യം ചെയ്യുന്നത്. അതുകൊണ്ട് തന്നെ അതിന്റെ എല്ലാ ആശങ്കയുമുണ്ടായിരുന്നു. കൃത്യ സമയത്ത് ഡോക്ടര്‍ ഇടപെട്ടതോടെ അമ്മയും കുഞ്ഞും സുരക്ഷിതരായി. ഓടി കൊണ്ടിരുന്ന ട്രെയിനില്‍ പുലര്‍ച്ചെ 5.35നാണ് യുവതി കുഞ്ഞിന് ജന്മം നല്‍കിയത്.

‘ഇത് ഞാന്‍ സ്വന്തമായി നടത്തിയ ആദ്യത്തെ പ്രസവമായതിനാല്‍ എനിക്ക് വളരെയധികം ആശങ്കയുണ്ടായിരുന്നു. ആശുപത്രിയില്‍ മുതിര്‍ന്ന ഡോക്ടര്‍മാരെ അസിസ്റ്റ് ചെയ്യുക മാത്രമാണ് ഇതുവരെ ചെയ്തിട്ടുള്ളത്. ആദ്യത്തെ 45 മിനിറ്റ് കുഞ്ഞ് പുറത്ത് വരാതെ ആയതോടെ ഞാന്‍ ഭയപ്പെട്ടു. കുഞ്ഞ് പുറത്തേക്ക് വരാന്‍ തുടങ്ങിയതോടെ ആണ് എനിക്ക് സമാധാനമായതെന്നും ഡോക്ടര്‍ മാധ്യമങ്ങളോട് പറഞ്ഞു. തുടര്‍ന്ന് അടുത്ത സ്റ്റേഷനായ അനകപ്പള്ളിയില്‍ പൊലീസ് യുവതിയ്ക്കും കുഞ്ഞിനുമായി ആംബുലന്‍സ് ഏര്‍പ്പെടുത്തി ഇവരെ എന്‍ടിആര്‍ സര്‍ക്കാര്‍ ആരോഗ്യ ആശുപത്രിയിലേക്ക് മാറ്റി.