![ശിവസേന [ഷിൻഡെ വിഭാഗം]](https://www.udayakeralam.com/wp-content/uploads/2025/02/ss-360x180.jpg)
Authored by Samayam Desk | Samayam Malayalam | Updated: Oct 3, 2022, 1:18 PM
Vijayadashami Wishes And Quotes 2022: വിജയദശമി ദിനത്തിലാണ് കുഞ്ഞുങ്ങളുടെ നാവില്‍ ആദ്യമായി അക്ഷരം കുറിക്കുന്നതും പൂജവെച്ച ആയുധങ്ങളും പുസ്തകങ്ങളും തിരികെ എടുക്കുന്നതും.
ഹൈലൈറ്റ്:
- ആദ്യ അക്ഷരം കുറിക്കാൻ കുരുന്നുകൾ
- ഒക്ടോബർ അഞ്ചിനാണ് വിജയദശമി
ത്രിലോകങ്ങള്‍ കയ്യടക്കിയ അസുര രാജാവായ മഹിഷാസുരന്‍ എന്ന തിന്മയെ ദുര്‍ഗാ ദേവി നിഗ്രഹിക്കുകയും നന്മയുടെ ലോകം വീണ്ടെടുക്കുകയും ചെയ്തു. അതിനാല്‍ തന്നെ സര്‍വ്വ ശക്തയായ ദേവിയുടെ വിവിധ ഭാവങ്ങളെയാണ് വിജയ ദശമിയുടെ ഭാഗമായുള്ള ഒന്‍പത് ദിവസങ്ങളില്‍ ആചരിയ്ക്കുന്നത്.നവരാത്രി ആഘോഷിക്കുന്ന ആദ്യ മൂന്ന് നാളില്‍ ദേവിയെയും പാര്‍വതിയെയും അടുത്ത മൂന്ന് ദിവസങ്ങളില്‍ ലക്ഷ്മിയെയും അവസാനത്തെ മൂന്ന് ദിവസങ്ങളില്‍ സരസ്വതിയെയും സങ്കല്‍പ്പിച്ചാണ് ആഘോഷിക്കുന്നത്.
വിജയദശമി ദിനത്തിലാണ് കുഞ്ഞുങ്ങളുടെ നാവില്‍ ആദ്യമായി അക്ഷരം കുറിക്കുന്നതും പൂജവെച്ച ആയുധങ്ങളും പുസ്തകങ്ങളും തിരികെ എടുക്കുന്നതും. കൂടാതെ കലാകാരന്മാര്‍ ഈ ദിവസമാണ് അരങ്ങേറ്റം കുറിക്കുന്നതും. കേരളത്തില്‍ വിജയദശമി ആഘോഷിക്കുമ്പോള്‍ ഇന്ത്യയുടെ വടക്ക് തെക്ക് സംസ്ഥാനങ്ങളിൽ വിജയദശമിയുടെ ആഘോഷങ്ങൾക്ക് പിന്നിലെ ഐതിഹ്യം മറ്റൊന്നാണ്.
അസുരനായ രാവണന്റെ മേലുള്ള ശ്രീരാമന്റെ വിജയമാണ് വടക്കേ ഇന്ത്യയില്‍ ദസറ എന്ന് പേരില്‍ ആഘോഷിക്കുന്നത്. അസുരനായ മഹിഷാസുരന്റെ മേല്‍ ദുര്‍ഗാദേവിയുടെ വിജയമായിട്ടും ഈ ആഘോഷത്തെ കാണാറുണ്ട്. ഐതിഹ്യങ്ങള്‍ പലതാണെങ്കിലും ആഘോഷം നല്‍കുന്ന സന്ദേശം ഒന്നാണ്. തിന്മയുടെ മേലുള്ള നന്മയുടെ വിജയാണ് ഈ ആഘോഷങ്ങളെല്ലാം സൂചിപ്പിക്കുന്നത്. ഒക്ടബോര്‍ അഞ്ചിനാണ് വിജയദശമി ആഘോഷിക്കുന്നത്. ഈ ആഘോഷ നാളില്‍ പ്രിയപ്പെട്ടവരും സുഹൃത്തുക്കളുമായി പങ്കുവെയ്ക്കാന്‍ ഇതാ ചില സന്ദേശങ്ങളും ആശംസകളും അറിയാം.
- അറിവിന്റെ ആദ്യാക്ഷരം കുറിക്കുന്ന കുരുന്നകള്‍ക്ക് വിജയദശമി ആശംകള്‍
- തിന്മയ്ക്ക് മേല്‍ നന്മ നേടിയ വിജയമാണ് നവരാത്രി ആഘോഷം. നിങ്ങളുടെ ജീവിതത്തിലും നന്മയുടെ ആഘോഷം ഉണ്ടാകട്ടെ എന്ന് ആശംസിക്കുന്നു.
- സന്തോഷകരമായ വിജയദശമി ആശംസകള്‍! ദുര്‍ഗ്ഗാ ദേവി നിങ്ങളുടെ എല്ലാ ആഗ്രഹങ്ങളും സഫലമാക്കുകയും നല്ല ആരോഗ്യവും വിജയവും സന്തോഷവും നല്‍കുകയും ചെയ്യട്ടെ.
- നിങ്ങളുടെ എല്ലാ പ്രശ്‌നങ്ങളും ഈ ദസറയില്‍ അവസാനിക്കട്ടെ. നിങ്ങള്‍ക്ക് ആശംകളും സമാധാനവും നേരുന്നു.
- ഈ ദസറ ഭൂമിയിലെ എല്ലാ അന്ധകാരവും ദുരിതവും ഇല്ലാതാക്കി നിങ്ങള്‍ക്ക് സന്തോഷവും സമൃദ്ധിയും നല്‍കട്ടെ. വിജയദശമി ആശംസകള്‍!
- ഉള്ളിലെ അഹംഭാവം അറിവിന്റെ ദേവതയ്ക്കു മുന്നില്‍ അടിയറവു വച്ച് മനസ്സില്‍ ജ്ഞാന പ്രകാശം നിറയ്ക്കാന്‍ ഏവര്‍ക്കും സാധിക്കട്ടെ-നവരാത്രി ആസംസകള്‍
- നന്മ നിറഞ്ഞ ഒരായിരം മഹാനവമി വിജയദശമി ആശംകള്‍ നേരുന്നു.
- വിദ്യയാകുന്ന വെളിച്ചത്തിന്റെ ലോകത്തേക്ക് യാത്ര തുടരാം,അഞ്ജാനമാകുന്ന അന്ധകാരത്തെ അകറ്റാം, എല്ലാ കുരുന്നുകള്‍ക്കും വിജയദശമി ആശംസകള്‍!
- എല്ലാ കൂട്ടുകാര്‍ക്കും ഐശ്വര്യത്തിന്റെയും നന്മയുടെയും വിദ്യാ സമ്പത്തിന്റെയും അധിപയായ സരസ്വതീ ദേവിയുടെ അനുഗ്രഹമുണ്ടാകട്ടെ
- ഈ പ്രത്യേക അവസരത്തില്‍ ആശ്ചര്യങ്ങളോടെ ആഘോഷത്തിന്റെ ആത്മാവ് നിങ്ങളെ ആശ്ലേഷിക്കട്ടെ. നിങ്ങള്‍ക്ക് ദസറ ആശംസിക്കുന്നു!
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
![ശിവസേന [ഷിൻഡെ വിഭാഗം]](https://www.udayakeralam.com/wp-content/uploads/2025/02/ss-120x86.jpg)
