viral: വിമാനത്തിൽ കയറാൻ കഴിയാതെ വിഷമിച്ച ലോകത്തിലെ ഏറ്റവും ഉയരം കൂടിയ യുവതിയ്ക്ക് വേണ്ടി എയർലൈൻസ് ചെയ്തത് കണ്ടോ?

സാൻ ഫ്രാന്‍സിസ്‌കോയിലേക്കാണ് ടര്‍ക്കിഷ് എയര്‍ലൈന്‍സിലൂടെ ഇവര്‍ യാത്ര ചെയ്തത്. ഉയരം കാരണം വിമാനത്തില്‍ യാത്ര ചെയ്യാന്‍ ഗെല്‍ഗിയ്ക്ക് ഇതുവരെ സാധിച്ചിരുന്നില്ല.13 മണിക്കൂര്‍ റുമേയ്‌സായ്ക്ക് സുഖമായി യാത്ര ചെയ്യാന്‍ ആറ് ഇക്കോണമി സീറ്റുകള്‍ മാറ്റി ഒരു പ്രത്യേക സ്‌ട്രെക്ക്ച്ചറാക്കി മാറ്റുകയായിരുന്നു വിമാമ കമ്പനി. വീവര്‍ സിന്‍ഡ്രോ എന്ന അസ്ഥി വളര്‍ച്ചയുടെ അവസ്ഥയാണ് റൂമേയ്‌സായ്ക്കുള്ളത്. വീല്‍ചെയറിലാണ് ഇവര്‍ സഞ്ചരിക്കുന്നതും.

വിമാന യാത്രയ്ക്ക് ശേഷം ഗെല്‍ഗി തന്നെയാണ് ഇതിന്റെ ചിത്രങ്ങള്‍ തന്റെ ഇന്‍സ്റ്റഗ്രാമിലൂടെ പുറത്ത് വിട്ടത്. വിമാനത്തില്‍ കിടക്കുന്ന ഗെല്‍ഗിയും എയര്‍ ഹോസ്റ്റസ് അടുത്ത് നില്‍ക്കുന്നതുമാണ് ചിത്രത്തിലുള്ളത്. ഇത് എന്റെ ആദ്യ വിമാനയാത്രയാണ്. ഇനി മുതല്‍ ലോകത്തിന്റെ വിവിധ ഭാഗങ്ങളിലേക്ക് വിമാനത്തില്‍ യാത്ര ചെയ്യാന്‍ സാധിക്കുന്നതില്‍ അഭിമാനമുണ്ട്. ഈ സാഹചര്യമൊരുക്കിയ ടര്‍ക്കിഷ് എയര്‍ലൈനിലെ ഓരോ ജീവനക്കാരോടുമുള്ള കൃതജ്ഞതയും നന്ദിയും പങ്കുവെയ്ക്കുന്നതായും ഗെല്‍ഗി ഇന്‍സ്റ്റഗ്രാമില്‍ കുറിച്ചു.

Also Read: 88ാം തവണ വിവാഹം ചെയ്യാൻ ഒരുങ്ങി 61കാരൻ; വിവാഹം ചെയ്യുന്നത് ആരെയാണെന്ന് അറിയാമോ?

2014ലാണ് ഗിന്നസ് വേള്‍ഡ് റെക്കോര്‍ഡ് നേട്ടം ഗെല്‍ഗി ആദ്യമായി സ്വന്തമാക്കിയത്. 2021ല്‍ ജീവിച്ചിരിക്കുന്ന ഏറ്റവും ഉയരം കൂടിയ വനിതയായി ഗെല്‍ഗി. ഏറ്റവും നീളമുള്ള വിരല്‍, നീളം കൂടിയ പുറം, നീളമുള്ള കൈകള്‍ എന്നിവയ്ക്കുള്ള റെക്കോര്‍ഡും ഈ 24ക്കാരിക്കാണ്. സോഫ്റ്റ് വെയര്‍ ഡെവലപ്പ്‌മെന്റ് ജോലിക്കായാണ് ഗെല്‍ദി സാന്‍ഫ്രാന്‍സിസ്‌കോയിലേക്ക് പോയത്.

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക