12 വയസുകാരിയെ ബലാത്സം​ഗം ചെയ്തു; പ്രതികളുടെ വീടുകൾ തകർത്തു

Also Read : ബ്രിഡ്ജ് ടൂറിസം: പിഡബ്ല്യുഡി പാലങ്ങളിൽ ജിം മുതൽ ബാഡ്മിൻ്റൺ കോർട്ട് വരെ; പൈലറ്റ് പദ്ധതി കൊച്ചിയിലും കൊല്ലത്തും

കടുത്ത രക്തസ്രാവത്തെ തുടർന്നായിരുന്നു പെൺകുട്ടിയെ ആശുപത്രിയിൽ പ്രവേശിപ്പിച്ചത്. ഇതിന് പിന്നാലെയാണ് പെൺകുട്ടി പീഡനത്തിന് ഇരയായ വിവരം കണ്ടെത്തുന്നത്.

പ്രതികൾ പെൺകുട്ടിയെ അതിക്രൂരമായി ബലാത്സംഗം ചെയ്യുകയും മർദ്ദിക്കുകയും സ്വകാര്യഭാഗങ്ങളിൽ കഠിനമായ വസ്തുക്കൾ കയറ്റിയതായും കടിച്ച് മുറിവുണ്ടാക്കിയതായും പോലീസിനെ ഉദ്ധരിച്ച് ദേശീയ മാധ്യമമായ എൻഡിടിവി റിപ്പോർട്ട് ചെയ്യുന്നു. അതേസമയം, മെഡിക്കൽ പരിശോധനയ്ക്ക് ശേഷം മാത്രമേ ഇക്കാര്യത്തിൽ സ്ഥിരീകരണം സാധ്യമാക്കൂ എന്ന് മുതിർന്ന് പോലീസ് ഉദ്യോഗസ്ഥർ വ്യക്തമാക്കി.

പ്രതികൾ ഇരുവരും മൈഹർ ക്ഷേത്രത്തിലെ ട്രസ്റ്റിൽ ജോലി ചെയ്ത് വരികയായിരുന്നു. ഇരുവരും പെൺകുട്ടിയെ പ്രലോഭിപ്പിച്ച് ഒറ്റപ്പെട്ട സ്ഥലത്തേക്ക് കൊണ്ടുപോയി ബലാത്സംഗം ചെയ്യുകയും ക്രൂരമായി മർദിക്കുകയും ചെയ്തതായി പോലീസ് പറഞ്ഞു.

സംഭവത്തെത്തുടർന്ന് മൈഹാർ മുനിസിപ്പൽ കൗൺസിലിലെ ചീഫ് മുനിസിപ്പൽ ഓഫീസർ വെള്ളിയാഴ്ച രണ്ട് പേരുടെയും കുടുംബങ്ങൾക്ക് അവരുടെ ഭൂമിയും കെട്ടിടവും സംബന്ധിച്ച രേഖകൾ ആവശ്യപ്പെട്ട് നോട്ടീസ് നൽകിയതായി സബ് ഡിവിഷണൽ ഓഫീസർ ഓഫ് പോലീസ് (എസ്ഡിഒപി) ലോകേഷ് ദബർ പറഞ്ഞു.

അന്വേഷണത്തിൽ ഇരുവരുടേയും വീടുകൾ അനധികൃതമായി നിർമിച്ചിട്ടുള്ളതാണെന്ന് കണ്ടെത്തുകയായിരുന്നു. സർക്കാർ ഇതര ആവശ്യങ്ങൾക്ക് ഉപയോഗിക്കുന്ന സ്ഥലം ഭഡോലിയയുടെ വീടെന്നും കുമാറിന്റെ വീട് അനുമതിയില്ലാതെ നിർമ്മിച്ചതാണെന്ന് അദ്ദേഹം പറഞ്ഞു. ഇന്ന് രാവിലെയാണ് പ്രതികളുടെ വീട് തകർത്തത് എന്ന് ദാബർ പറഞ്ഞു.

Also Read : മകനെ വിവാഹം കഴിപ്പിക്കൂവെന്ന് സോണിയാ ഗാന്ധിയോട് കർഷക; ചേരുന്ന ഒരു പെൺകുട്ടിയെ കണ്ടുപിടിക്കൂവെന്ന് മറുപടി

അധികൃതർ വീട് പൊളിക്കുന്നതിന് വേണ്ടി എത്തിയപ്പോൾ കുടുംബം അന്വേഷണം പൂർത്തിയായതിന് ശേഷം മാത്രമേ ഇത്തരത്തിൽ നടപടികളിലേക്ക് കടക്കാവൂ എന്ന് അപേക്ഷിച്ചിരുന്നതായി ദൃക്സാക്ഷികൾ പറഞ്ഞു. എന്നാൽ, ഇവർപറയുന്നത് കേൾക്കാതെ വീട് പൊളിച്ചുമാറ്റുകയായിരുന്നു.

Read Latest National News and Malayalam News