വനിതാ ഡോക്ടർക്ക് നേരെ ലൈം​ഗികാതിക്രമം, മർദ്ദനം; പോലീസ് സ്റ്റേഷൻ വളഞ്ഞ് പ്രദേശവാസികൾ

ഫിസിയോതെറാപ്പിസ്റ്റ് കൂടിയായ യുവതി തന്റെ ഇരുചക്രവാഹനത്തിൽ ഉജ്ജയിനിലൂടെ ഖരാകുവയിലൂടെ പോകുമ്പോഴാണ് സംഭവം. പ്രതിയായ ഹിതേഷ് ബദ്വയ ഇവരുടെ വാഹനം തടഞ്ഞുനിർത്തുകയും താക്കോൽ ഊരി മാറ്റുകയും ചെയ്തു.

ഇയാൾ അനുചിതമായി വനിതാ ഡോക്ടറുടെ കൈ പിടിച്ചുവലിക്കുകയും എതിർത്തതിനെ തുടർന്ന് ആക്രമിക്കുകയും ചെയ്തു. ഈ സമയത്ത് ഈ വഴിയിലൂടെ കടന്നുപോയ സുഹൃത്ത് തൗഫീഖ് ഖാനോട് ഇവർ സഹായം തേടി.

തൗഫീഖ് ഇടപെട്ട് പ്രതിയോട് പിന്മാറാൻ ആവശ്യപ്പെട്ടെങ്കിലും ഹിതേഷ് അനങ്ങിയില്ല. ഇയാൾക്കൊപ്പമുണ്ടായിരുന്ന ആളുകൾ തൗഫീഖിനെ മർദിച്ച ശേഷം സംഭവസ്ഥലത്ത് നിന്ന് രക്ഷപ്പെടുകയായിരുന്നു.

സംഭവത്തിന് പിന്നാലെ, പ്രാദേശിക കോൺഗ്രസ് നേതാക്കളായ നൂരി ഖാൻ, രവി ബദൗരിയ എന്നിവരുടെ നേതൃത്വത്തിൽ പ്രദേശവാസികൾ പോലീസ് സ്റ്റേഷൻ വളയുകയും പ്രതികൾക്കെതിരെ വേഗത്തിൽ നടപടിയെടുക്കണമെന്ന് ആവശ്യപ്പെടുകയും ചെയ്തു. പ്രതിയുടെ വീട് പൊളിക്കണമെന്ന് സമരക്കാർ ആവശ്യപ്പെട്ടു.

Also Read : കുടിച്ചത് 10 പെഗ് വോഡ്കയും ഒരു വൈനും, ബോധം നഷ്ടപ്പെട്ട യാത്രക്കാരൻ യുവതിയോടും മകളോടും മോശമായി പെരുമാറി; വിമാനക്കമ്പനിക്കെതിരെ കേസ്

പ്രതികൾക്കെതിരെ ഉടൻ തന്നെ നടപടിയെടുക്കുമെന്ന് എസ്പി സച്ചിൻ ശർമ സമരക്കാരോട് പറഞ്ഞതിന് ശേഷമാണ് പ്രതിഷേധക്കാർ മടങ്ങിയത്.

Read Latest National News and Malayalam News