14 വർഷമായി ലൈം​ഗിക അടിമയായി തടവറയിൽ, ബലാത്സം​ഗത്തിന് ഇരയായത് ആയിരത്തിലേറെ തവണ; ഒടുവിൽ രക്ഷകയായത് അമ്മ

വ്ലാഡിമർ ചെസ്കിഡോവ് എന്ന 51 കാരനാണ് പോലീസ് പിടിയിലായിരിക്കുന്നത്. ഇക്കാലമത്രയും കടുത്ത പീഡനങ്ങൾക്കാണ് യുവതി ഇരയായത്. 2009 മുതൽ തന്നെ ബന്ദികളാക്കിയെന്നും ആയിരത്തിലധികം തവണ ബലാത്സംഗത്തിന് ഇരയായതായും യുവതി പോലീസിനോട് പറഞ്ഞു. അതിന് പുറമെ, 2011ൽ തന്നെ ബന്ദിയാക്കിയ ഇതേ വീട്ടിൽ മറ്റൊരു സ്ത്രീയെ കൊലപ്പെടുത്തിയതായും അത് താൻ കണ്ടതായും യുവതി പോലീസിനോട് പറഞ്ഞു.

സ്‌മോളിനോ ഗ്രാമത്തിലെ ചെസ്‌കിഡോവിന്റെ ഒറ്റനില വീട്ടിൽ പോലീസ് നടത്തിയ പരിശോധനയിൽ സെക്‌സ് ടോയ്‌സ്, മൂക്കുംവായും മൂടുന്ന മസൽസ്, നീലചിത്രങ്ങൾ അടങ്ങിയ സിഡികൾ എന്നിവയുടെ ശേഖരം കണ്ടെത്തി. പ്രതിയുടെ അമ്മയുടെ സഹായത്താൽ വീട്ടിൽ നിന്നും രക്ഷപെട്ട യുവതി പോലീസിൽ പറഞ്ഞതിന്റെ അടിസ്ഥാനത്തിലാണ് അറസ്റ്റുണ്ടായിരിക്കുന്നത്.

വീട്ടിൽ തന്നെയുള്ള ഒരു തടവുമുറിയിലാണ് താൻ കിടന്നിരുന്നതെന്നും കത്തിമുനയിൽ നിർത്തിയാണ് തന്നെക്കൊണ്ട് ലൈംഗിക വേഴ്ചകൾ നടത്തിച്ചതെന്നും അവർ പറയുന്നു. ചെറിയ പിഴവുകൾക്ക് പോലും ക്രൂരമായ മർദ്ദനങ്ങളും പീഡനങ്ങളുമാണ് നേരിടേണ്ടി വന്നിരുന്നതെന്നും ഏകടെർന എന്ന് യുവതി പറഞ്ഞത്.

ചെസ്‌കിഡോവ് 2011-ൽ തന്റെ “ഭാര്യ” എന്ന് പറയുന്ന ഒക്സാന എന്ന സ്ത്രീയെയാണ് മാരകമായി കുത്തിക്കൊന്നതെന്നും, ഒക്സാനയുടെ മൃതദേഹം വിനിയോഗിക്കാൻ സഹായിക്കാൻ തന്നോട് നിർബന്ധിച്ചുവെന്നും എകറ്റെറിന ആരോപിച്ചു. യുവതിയുടെ മൊഴിയുടെ അടിസ്ഥാനത്തിൽ റഷ്യയുടെ അന്വേഷണ ഏജൻസി ചെസ്കിഡോവിന്റെ വീടിന്റെ ബേസ്മെന്റിൽ നിന്ന് മനുഷ്യാവശിഷ്ടങ്ങൾ കണ്ടെടുത്തതായും സ്ഥിരീകരിച്ചിട്ടുണ്ട്.

ഇയാൾക്കെതിരെ കൊലപാതകം തട്ടിക്കൊണ്ടുപോകൽ, ബലാത്സംഗം എന്നീ കുറ്റങ്ങൾ ചുമത്തിയിട്ടുണ്ട്.

ചെസ്‌കിഡോവിന്റെ 72 കാരിയായ അമ്മ വാലന്റീനയും അറസ്റ്റിലായതായി റിപ്പോർട്ടുണ്ട്. ഇവരും മകന്റെ ഒപ്പമാണ് താമസിച്ചുവന്നിരുന്നത്. ഇവരാണ് യുവതിയെ തട്ടിക്കൊണ്ടുവന്നതെന്നും റഷ്യൻ മാധ്യമങ്ങൾ റിപ്പോർട്ട് ചെയ്യുന്നു.

2009ലാണ് അന്ന് 19 വയസ്സ് മാത്രമുണ്ടായിരുന്ന യുവതി, നഗരത്തിലെ ഒരു ബസ് ഡിപ്പോയിൽ വച്ച് ചെല്യാബിൻസ്‌ക് കണ്ടുമുട്ടിയത്. പരിചയപ്പെട്ടതിന് പിന്നാലെ അയാൾ തന്റെ വീട്ടിലേക്ക് ക്ഷണിക്കുകയായിരുന്നുവെന്നും മദ്യം നൽകാമെന്ന് വാഗ്ദാനം ചെയ്യുകയും ചെയ്തു.

എന്നാൽ അവർ അവിടെ എത്തിയപ്പോൾ അയാൾ തന്റെ അതിഥിയുടെ നേരെ കത്തി നീട്ടുകയും ബന്ദിയാക്കുകയുമായിരുന്നുവെന്ന് യുവതി പറയുന്നു. പിന്നീടുള്ള 14 വർഷം യുവതി പൂട്ടിയിട്ടിരിക്കുന്ന ഒരു കിടപ്പുമുറിയിലാണ്.

Also Read : പരാമർശം മതവിശ്വാസത്തെ വേദനിപ്പിക്കുന്നതിനല്ല, വിശ്വാസികൾ തനിക്കൊപ്പം: സ്പീക്കർ ഷംസീർ

പ്രതി മാനസിക രോഗബാധിതനാണെന്നും അയാളുടെ നില വഷളായതിനെത്തുടർന്ന് പ്രാദേശിക ആശുപത്രിയിലേക്ക് കൊണ്ടുപോയതായും പോലീസ് പറഞ്ഞു.

Read Latest World News and Malayalam News