കൈമാറിയത് മലയാളി; പെട്ടിയിൽ ആന്തരികാവയവങ്ങളുടെ ഭാഗങ്ങൾ; തേനിയിൽ 3 പേ‍ർ കസ്റ്റഡിയിൽ

Edited by Karthik KK | Samayam Malayalam | Updated: 5 Aug 2023, 8:40 am

വീട്ടിൽവെച്ചാൽ സമ്പത്ത് കൈവരുമെന്ന് പറഞ്ഞ് പത്തനംതിട്ട സ്വദേശിയാണ് ഇവ കൈമാറിയതെന്നാണ് പിടിയിലായവർ നൽകിയ മൊഴി. പൂജയ്ക്ക് ശേഷം എത്തിച്ച മാംസഭാഗങ്ങളാണെന്നും ഇവർ പറഞ്ഞിരുന്നു.

തേനി: തമിഴ്നാട്ടിൽ കാറിൽ കടത്തവെ പിടികൂടിയത് ആടിൻ്റെ ശരീരഭാഗങ്ങളെന്ന് കണ്ടെത്തി. നേരത്തെ ഇത് മനുഷ്യൻ്റേതാണെന്നായിരുന്നു പിടിയിലായവർ പോലീസിനോട് പറഞ്ഞത്. ഉത്തമപാളയത്ത് വാഹനപരിശോധനയിലാണ് ആടിൻ്റെ ആന്തരികാവയവങ്ങളുമായി മൂന്നുപേർ പിടിയിലായത്. ഇവർക്ക് ഇത് കൈമാറിയത് പത്തനംതിട്ട സ്വദേശിയാണ്. ഇയാളും പിടിയിലായിട്ടുണ്ട്. മാംസ ഭാഗങ്ങൾ മനുഷ്യന്‍റേതാണോ അതോ മറ്റേതെങ്കിലും മൃഗങ്ങളുടേതാണോ എന്ന് സ്ഥിരീകരിക്കാൻ പരിശോധനയ്ക്ക് അയച്ചിരുന്നു. ഇതിലാണ് ഇത് ആടിൻ്റേതാണെന്ന് വ്യക്തമായത്.വാഹനം പോലീസ് പരിശോധിച്ചപ്പോഴാണ് പെട്ടിയിൽ അവയവങ്ങളുടെ ഭാഗങ്ങൾ കണ്ടെത്തിയത്. പൂജയ്ക്ക് ശേഷം എത്തിച്ച മനുഷ്യ അവയവഭാഗങ്ങളാണിതെന്നും വീട്ടിൽവെച്ചാൽ സമ്പത്ത് കൈവരുമെന്നും പറഞ്ഞാണ് പത്തനംതിട്ട സ്വദേശി ഇത് കൈമാറിയതെന്നാണ് പിടിയിലായവർ ആദ്യം പറഞ്ഞിരുന്നത്. തമിഴ്നാട് സ്വദേശികളായ അലക്സ് പാണ്ഡ്യൻ, ഡേവിഡ് പ്രതാപ് സിങ്, മുരുകൻ എന്നിവരെയാണ് കസ്റ്റഡിയിലെടുത്തത്.

25 ആഡംബര ബസുകൾകൂടി; കെഎസ്ആർടിസി സ്വിഫ്റ്റിന് 156 ബസുകൾ വരുന്നു; 75 കോടിരൂപ അനുവദിച്ചു

കണ്ണൂരിൽ കെഎസ്ആർടിസി വിനോദ സഞ്ചാര പാക്കേജിന് തുടക്കം

ധനാകർഷണത്തിന് പൂജ ചെയ്ത അവശിഷ്ടങ്ങളാണെന്നും സംഘം മൊഴി നൽകിയിരുന്നു. ഇതോടെയാണ് വിശദമായ അന്വേഷണം നടത്തിയത്. ഇടുക്കി വണ്ടിപ്പെരിയാറിൽ നിന്നാണ് ഇവ കൈമാറിയത്. തമിഴ്നാട് സ്വദേശികളുടെ മൊഴിയുടെ അടിസ്ഥാനത്തിൽ പുളിക്കീഴ് പോലീസിന്‍റെ സഹായത്തോടെ ചെല്പപ്പൻ എന്നയാളെയും കസ്റ്റഡിയിലെടുത്തിരുന്നു.

വെള്ളിയാഴ്ച വൈകീട്ട് കേരള അതിർ‌ത്തിയോട് ചേർന്ന പ്രദേശത്ത് നടത്തിയ വാഹന പരിശോധനയിലാണ് ഇവ കണ്ടെടുത്തത്. കൂടുതൽ വ്യക്തത വരുത്താൻ നാലുപേരെയും ഉത്തമപാളയം പോലീസ് ചോദ്യം ചെയ്തു വരികയാണ്.

Also Read : 7 വർഷത്തിനുള്ളിൽ 800 ട്രെയിനുകൾ; ട്രാക്ക് കീഴടക്കാൻ വന്ദേഭാരത്; രാജ്യത്തിന്‍റെ എല്ലാ കോണിലേക്കും സർവീസ്; ഈ സാമ്പത്തികവർഷം 50 എണ്ണംകൂടി

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക