മുടിയുടെ എല്ലാ പ്രശ്നങ്ങളും മാറ്റാൻ ഈ ഒരു ഹെയർ മാസ്ക് മതി

കാപ്പിപൊടി

മുടി നന്നായി വളർത്തിയെടുക്കാൻ സഹായിക്കുന്ന ഒന്നാണ് കാപ്പിപൊടി. മുടിയിലെ അഴുക്കുകൾ നീക്കം ചെയ്യാൻ കാപ്പിപൊടി ഏറെ സഹായിക്കും. മുടികൊഴിച്ചിൽ അമിതമായി ഉള്ളവർക്ക് മുടി ഇരട്ടിയാക്കാൻ കാപ്പിപൊടി നല്ലതാണ്. മുടിയുടെ ഘടന മെച്ചപ്പെടുത്താനും അതുപോലെ നിറം വർധിപ്പിക്കാനും കാപ്പിപൊടി സഹായിക്കാറുണ്ട്. മാത്രമല്ല വളർത്തിയെടുക്കാനുള്ള ഒരു സിമ്പിൾ മാർഗമാണിത്. തലയോട്ടിയിലെ രക്തചംക്രമണം നന്നാക്കി എക്സ്ഫോളിയേറ്റ് ചെയ്യാനും കാപ്പിപൊടി സഹായിക്കും.

മുടി കൊഴിച്ചിലിന് കാരണങ്ങൾ പലതാണ്, തടയാൻ ശ്രദ്ധിക്കേണ്ടത്

​

​

തൈര്

ആരോഗ്യത്തിന് എന്ന പോലെ തന്നെ മുടിയ്ക്കും ഏറെ നല്ലതാണ് തൈര്. ഇതിൽ അടങ്ങിയിരിക്കുന്ന പല ഘടകങ്ങളും മുടി വളരാൻ ഏറെ സഹായിക്കുന്നതാണ്. മുടിയിൽ ജലാംശം നിലനിർത്താനും അതുപോലെ മുടിയിഴകൾ കൂടുതൽ ഭംഗിയാക്കാനും തൈര് സഹായിക്കും. വീട്ടിൽ തന്നെ തയാറാക്കുന്ന മറ്റ് പ്രിസർവേറ്റീവ്സ് ഇല്ലാത്ത തൈരാണ് എപ്പോഴും മുടിയിഴകൾക്ക് നല്ലത്. മാത്രമല്ല ഉപ്പില്ലാത്ത തൈര് എടുക്കാനും ഓർക്കണം. ഇതിൽ അടങ്ങിയിരിക്കുന്ന ലാക്ടിക് ഘടകങ്ങൾ മുടിയിഴകൾക്ക് ഏറെ നല്ലതാണ്.

കറ്റാർവാഴ

മുടിയുടെയും ചർമ്മത്തിൻ്റെയും പല പ്രശ്നങ്ങളും ഇല്ലാതാക്കാൻ കറ്റാർാവഴയ്ക്ക് കഴിയും. ഇതിൽ അടങ്ങിയിരിക്കുന്ന ആൻ്റി ഇൻഫ്ലമേറ്ററി, ആൻ്റി ഫംഗൽ ഘടകങ്ങൾ മുടിയിഴകളെയും അതുപോലെ തലയോട്ടിയെയും ആരോഗ്യത്തോടെ പരിപാലിക്കും. താരൻ, മുടികൊഴിച്ചിൽ, തലയോട്ടിയിലെ ചൊറിച്ചിൽ പോലുള്ള പ്രശ്നങ്ങൾക്ക് നല്ലൊരു പരിഹാരമാണ് കറ്റാർവാഴ. പണ്ട് കാലം മുതലെ മുടി വളരാൻ എല്ലാവരും ഉപയോഗിച്ച് വരുന്നതാണ് കറ്റാർവാഴ.

വെളിച്ചെണ്ണ

മുടിയിൽ വെളിച്ചെണ്ണ തേച്ച് കുളിക്കുന്നത് മുടിയുടെ ആരോഗ്യം ഇരട്ടിയാക്കാൻ ഏറെ സഹായിക്കും. മുടിയെ വേരിൽ നിന്ന് ബലപ്പെടുത്താൻ വെളിച്ചെണ്ണ നല്ലതാണ്. പണ്ടുള്ളവർ കാച്ചിയ വെളിച്ചെണ്ണ തേച്ച് കുളിക്കണമെന്നാണ് പറയാറുള്ളത്. അതിൻ്റെ കാരണം ഇതിൽ അടങ്ങിയിരിക്കുന്ന പല ഘടകങ്ങളും മുടിയെ പോഷിപ്പിക്കുന്നത് തന്നെയാണ്. രോമകൂപങ്ങളെ ഉണർത്താനും മുടി വളർച്ച ഇരട്ടിയാക്കാനും വെളിച്ചെണ്ണ സഹായിക്കാറുണ്ട്. തലയോട്ടി വരണ്ട് പോകാതിരിക്കാനും വെളിച്ചെണ്ണ സഹായിക്കാറുണ്ട്.

മാസ്ക് തയാറാക്കാൻ

ഒരു ചെറിയ പാത്രത്തിലേക്ക് ഒരു ടേബിൾ സ്പൂൺ കാപ്പിപൊടി, ഒരു സ്പൂൺ കറ്റാർവാഴ ജെൽ, ഒരു ടീ സ്പൂൺ തൈര് അൽപ്പം വെളിച്ചെണ്ണ എന്നിവ ചേർത്ത് നന്നായി യോജിപ്പിക്കുക. പേസ്റ്റ് രൂപത്തിലായ ഈ മാസ്ക് മുടിയിൽ തേച്ച് പിടിപ്പിക്കുക. 20 മിനിറ്റിന് ശേഷം ഈ മാസ്ക് കഴുകി വ്യത്തിയാക്കാവുന്നതാണ്.