എപ്പോഴും നല്ല സ്റ്റൈല്ലിഷായിട്ട് ഇരിക്കണമെങ്കിൽ ഈ ടിപ്പ്സ് ഒന്ന് നോക്കി വച്ചോ

എല്ലാവർക്കും എപ്പോഴും സ്വന്തമായി ഒരു സ്റ്റൈൽ ഉണ്ടാകും. അത് മനസിലാക്കാൻ ശ്രമിക്കുക. സ്വന്തമായിട്ടൊരു സ്റ്റൈൽ കണ്ടെത്തേണ്ടത് ഏറെ പ്രധാനമാണ്. വലിയ ഡിസൈനുകളില്ലാത്ത സിമ്പിൾ പ്രിൻ്റുകളാണ് എപ്പോഴും ധരിക്കുന്നതെങ്കിൽ അതിൽ തന്നെ ഉറച്ച് നിൽക്കാൻ ശ്രമിക്കുക.

ക്ലാസി ലുക്ക് തേടുന്നവർ ഓവർ എക്സ്പോഷറായിട്ടുള്ള വസ്ത്രങ്ങൾ ധരിക്കാതിരിക്കുക. ചെറിയ സ്കെർട്ടുകൾ, ഷോർട്ട്സ്, കഴുത്ത് ഇറങ്ങിയ വസ്ത്രങ്ങൾ എന്നിവ ഒഴിവാക്കാൻ ശ്രമിക്കുക.

ശരീരത്തിന് അനുയോജ്യമായതും അതുപോലെ കാലങ്ങളോളം നിലനിൽക്കുന്നതുമായ വസ്ത്രം തിരഞ്ഞെടുക്കുക. ഓർഗാനിക് കോട്ടൺ, ലിനൻ, കമ്പിളി, പട്ട്, റീസൈക്കിൾ ചെയ്ത പോളിസ്റ്റർ തുണിത്തരങ്ങൾ എന്നിവയും ശരിയായി പരിപാലിക്കുകയാണെങ്കിൽ വർഷങ്ങളോളം നിലനിൽക്കും. എക്കാലത്തെയും മികച്ച ലുക്ക് ലഭിക്കാൻ, വസ്ത്രങ്ങൾ വൃത്തിയാക്കി അമർത്തുന്നത് ഉറപ്പാക്കുക.

എപ്പോഴും ശരീരത്തിന് പാകം ആകുന്ന വസത്രങ്ങൾ ധരിക്കാൻ ശ്രമിക്കുക. തിരഞ്ഞെടുക്കുന്ന വസ്ത്രങ്ങൾ എപ്പോഴും ശരീരത്തിന് അനുയോജ്യമായവ ആണെന്ന് ഉറപ്പ് വരുത്താൻ മറക്കരുത്.

നല്ല നിറമുള്ള വസ്ത്രങ്ങൾ ലുക്ക് കിട്ടാൻ ഏറെ സഹായിക്കും. പക്ഷെ കുറച്ച് ക്ലാസി ലുക്ക് കിട്ടണമെങ്കിൽ വൈറ്റ്, ഓഫ് വൈറ്റ്, ബെയ്ജ് ഗ്രേ കളറുകൾ തിരഞ്ഞെടുക്കാൻ ശ്രമിക്കുക. വെള്ള ടീ ഷർട്ടും കറുത്ത ജീൻസും എല്ലാക്കലത്തെയും ക്ലാസിക് ലുക്കുകളിൽ ഒന്നാണ്.

വസ്ത്രം ഇടുമ്പോൾ അതിന് ഒപ്പം ചേരുന്ന ആക്സസറീസ് ഇടാൻ ശ്രദ്ധിക്കുക. വളരെ മിനിമൽ ആയിട്ടുള്ളവ തിരഞ്ഞെടുക്കാൻ ശ്രമിക്കുക. സ്റ്റഡുകൾ, മിനിമൽ ചെയ്ൻ എന്നിവ ധരിക്കാൻ ശ്രമിക്കുക.