പ്ലെയിൻ സാരി എളുപ്പത്തിൽ കൂടുതൽ ഭംഗിയാക്കാൻ ചില വഴികൾ

മോണോക്രോമാറ്റിക് ആകാം

ഏകവർണ്ണത്തിലുള്ള ഒരു നിറം കണ്ടെത്തുക. ആ സാരിയ്ക്ക് അനുയോജ്യമായ തരത്തിലുള്ള ബ്ലൗസാണ് എപ്പോഴും നല്ല ലുക്ക് നൽകുന്നത്. സ്ലീവ് ലെസ്, ഫുൾ സ്ലീവ് അങ്ങനെ നിങ്ങൾക്ക് അനുയോജ്യമായ ബ്ലൗസ് തിരഞ്ഞെടുക്കാവുന്നതാണ്. മാത്രമല്ല സ്റ്റേറ്റ്മെൻ്റ് ജ്വവല്ലറി കൂടി അണിഞ്ഞാൽ കൂടുതൽ ഭംഗിയാകും.

ആകർഷകമായ നിറം

ഒരു വൈബ്രന്റ് ടോൺ തിരഞ്ഞെടുക്കുക നിങ്ങളുടെ എൻസെംബിളുകളുടെ തിരഞ്ഞെടുപ്പുകളിൽ നിങ്ങൾ എപ്പോഴും പ്രിന്റുകളും പാറ്റേണുകളും തിരഞ്ഞെടുക്കുകയാണെങ്കിൽ, പ്ലെയിൻ സാരികൾ തിരഞ്ഞെടുക്കുന്നത് വളരെ ലളിതമായ ഒരു ഓപ്ഷനാണ്. പക്ഷേ, പ്രിന്റുകളുടെ അഭാവത്തെ ആകർഷകമായ നിറംകൊണ്ട് സമതുലിതമാക്കാൻ കഴിയും! ബൊഹീമിയൻ ആഭരണങ്ങൾ, പ്രകൃതിദത്ത മേക്കപ്പ്, അലകളുടെ തുറന്ന ഹെയർഡൊ എന്നിവ ഉപയോഗിച്ച് ആ കാഷ്വൽ സാരിയുടെ ലുക്ക് കൂടുതൽ ഭംഗിയാക്കാം.

കോൺട്രാസ്റ്റ് ബ്ലൗസ്

പ്ലെയിൻ സാരിക്കൊപ്പം കോൺട്രാസ്റ്റ് ബ്ലൗസാണ് എപ്പോഴും നല്ലത്. പൊതുവെ പണ്ട് കാലത്ത് ഇത് ആരും അത്ര ട്രൈ ചെയ്യാറില്ലെങ്കിലും ഈ അടുത്ത കാലത്തായി കോൺട്രാസ്റ്റ് ബ്ലൗസാണ് ഈ സാരിക്ക് കൂടുതൽ ട്രെൻഡായി കൊണ്ടിരിക്കുന്നത്. ഫുൾ പ്ലെയിൻ അല്ലെങ്കിൽ ചെറിയ വർക്കുകളുള്ള ബ്ലൗസ് ഈ സാരിക്കൊപ്പം ധരിക്കാവുന്നതാണ്.

ജാക്കറ്റ് ഇടാം

സാരിക്കൊപ്പം ജാക്കറ്റ് ഇടുന്നത് ഇപ്പോൾ ഒരു ട്രെൻഡായി കൊണ്ടിരിക്കുകയാണ്. അതുപോലെ പ്ലെയിൻ സാരിക്കൊപ്പം ജാക്കറ്റ് ഇടാവുന്നതാണ്. സാരിയ്ക്ക് ചേരുന്ന അതേ കളർ അല്ലെങ്കിൽ കോൺട്രാസ്റ്റ് കളറിലുള്ളത്, മികച്ച ഫാബ്രിക്, പ്രിൻ്റുകൾ ഉള്ള ജാക്കറ്റ് തിരഞ്ഞെടുക്കാം.

വ്യത്യസ്തമായ സ്റ്റൈല്ലിൽ ഉടുക്കാം

വ്യത്യസ്തമായി സാരി ഉടുക്കുന്നത് പലപ്പോഴും നല്ല ലുക്ക് നൽകും. ലോ വെയ്സ്റ്റ് സ്റ്റൈൽ, സ്കാർഫ് സ്റ്റൈൽ തുടങ്ങി പല തരത്തിലുള്ള രീതിയിൽ സാരി ഉടുക്കാവുന്നതാണ്. ഇത് കൂടുതൽ ഫാഷനബിൾ ലുക്ക് നൽകും.

ആക്സസറീസ്

സാരിക്കൊപ്പം തിരഞ്ഞെടുക്കുന്ന ആക്സസറീസ് വളരെ പ്രധാനമാണ്. സാരിയുടെ നിറവും പാറ്റേണും ഫാബ്രിക്കും അനുസരിച്ച് തിരഞ്ഞെടുക്കാവുന്നതാണ്. കോട്ടൺ, ഷിഫോൺ സാരികൾക്ക് ബോഹോ സിൽവർ ജ്വല്ലറികൾ കൂടുതലായി ചേരുന്നത്.