വീട്ടിൽ കറ്റാർവാഴ ഉണ്ടെങ്കിൽ മുടി എളുപ്പത്തിൽ സോഫ്റ്റാക്കാം

കറ്റാർവാഴ

വീട്ടിലെ പറമ്പിലും പൂന്തോട്ടത്തിലുമൊക്കെ ധാരാളം കറ്റാർവാഴ കാണാറുണ്ട്. ഇത് മുടിയുടെ ചർമ്മത്തിൻ്റെ ഉറ്റ സുഹൃത്താണ്. മുടിയ്ക്ക് ആവശ്യമായ എല്ലാ പോഷകങ്ങളും കറ്റാർവാഴയിൽ അടങ്ങിയിട്ടുണ്ട്. മുടി നന്നായി വളരാൻ കറ്റാർവാഴ സഹായിക്കും. മുടിയ്ക്ക് ആവശ്യമായ ജലാംശം നൽകാനും തലയോട്ടിയെ മോയ്ചറൈസ് ചെയ്ത് നിർത്താനും കറ്റാർവാഴ ഏറെ സഹായിക്കും. ഇതിലെ ആൻ്റി ബാക്ടീരിയിൽ ആൻ്റി ഇൻഫ്ലമേറ്ററി ഘടകങ്ങൾ മുടിയിലെ താരൻ പോലുള്ള പ്രശ്നങ്ങളെ ഇല്ലാതാക്കാൻ നല്ലതാണ്.

മുടി തഴച്ചു വളരാൻ നാടൻ വിദ്യകൾ

​

​

പാൽ

മുടിയ്ക്ക് നല്ല ബലവും തിളക്കവും നൽകാൻ സഹായിക്കുന്ന പ്രോട്ടീനുകൾ പാലിൽ അടങ്ങിയിട്ടുണ്ട്. മുടിയിൽ പാൽ തേയ്ക്കുന്നത രോമകൂപങ്ങളെ ബലപ്പെടുത്താനും അതുപോലെ വേരുകളിൽ നിന്ന് ഉത്തേജിപ്പിക്കാനും ഏറെ സഹായിക്കും. മുടിയിൽ ഉപയോഗിക്കുന്ന മാസ്കുകളിൽ പാൽ ഒരു പ്രധാന ചേരുവയാണ്. മാത്രമല്ല മോയ്ചറൈസിംഗ് ഗുണമുള്ള ചേരുവ കൂടിയാണ് പാൽ. ഇത് മുടിയ്ക്ക് ആവശ്യത്തിന് ജലാംശം നൽകാനും അതുപോലെ മുടിയെ മികച്ചതാക്കാനും സഹായിക്കും.

വെളിച്ചെണ്ണ

മുടിയിൽ എണ്ണ തേച്ച് മസാജ് ചെയ്യുന്നത് പല തരത്തിലുള്ള ഗുണങ്ങൾ നൽകുമെന്ന് എല്ലാവർക്കുമറിയാം. മുടിയിഴകളെ വേരിൽ നിന്ന് ബലപ്പെടുത്താൻ വെളിച്ചെണ്ണ ഏറെ സഹായിക്കും. പണ്ട് കാലം മുതലെ കാച്ചിയവെളിച്ചെണ്ണ മുടിയിൽ തേച്ച് കുളിക്കുന്ന സ്വഭാവം പലർക്കുമുണ്ട്. മുടിയിഴകളുടെ ആരോഗ്യത്തിന് ഏറെ നല്ലതാണ് വെളിച്ചെണ്ണ. മുടിയ്ക്ക് കരുത്തും തിളക്കവും നൽകാനും വെളിച്ചെണ്ണ നല്ലതാണ്.

കാപ്പിപൊടി

ചർമ്മത്തിൻ്റെയും മുടിയുടെയും അഴകിന് ഏറെ നല്ലതാണ് കാപ്പിപൊടി. ഇത് മുടിയിൽ തേയ്ക്കുന്നത് പല തരത്തിലുള്ള ഗുണങ്ങളാണ് നൽകുന്നത്. കാപ്പിപൊടി മികച്ചൊരു എക്സ്ഫോളിയേറ്ററായി പ്രവർത്തിക്കും. മുടിയുടെ എല്ലാ പ്രശ്നങ്ങളും ഇല്ലാതാക്കാനും മുടിയിലെ അഴുക്ക് നീക്കം ചെയ്യാനും ഇത് ഏറെ നല്ലതാണെന്ന് തന്നെ പറയാം. മുടിയെ വളർച്ച മെച്ചപ്പെടുത്തുന്ന ഘടകമാണ് കാപ്പിപൊടി.

മാസ്ക് തയാറാക്കാൻ

കറ്റാർവാഴ ചെടിയിൽ നിന്ന് മുറിച്ച് എടുത്ത ശേഷം കറ കളഞ്ഞ് അതിലെ ജെൽ മാത്രം എടുക്കുക. ഇനി ഇതിലേക്ക് അൽപ്പം പാലും കുറച്ച് കാപ്പിപൊടിയും കുറച്ച് തുള്ളി വെളിച്ചെണ്ണയും ചേർത്ത് നന്നായി യോജിപ്പിക്കുക. ഇനി ഇതൊരു സ്പ്രെ ബോട്ടിലോ അല്ലെങ്കിൽ കൈ ഉപയോഗിച്ച് തലമുടിയിലും തലയോട്ടിയിലും തേച്ച് പിടിപ്പിക്കുക. 30 മിനിറ്റിന് ശേൽം ഇത് കഴുകി വ്യത്തിയാക്കാവുന്നതാണ്. മുടി നല്ല സോഫ്റ്റാകാനും അതുപോലെ തിളക്കം കിട്ടാനും ഈ മാസ്ക് സഹായിക്കും.