![ശിവസേന [ഷിൻഡെ വിഭാഗം]](https://www.udayakeralam.com/wp-content/uploads/2025/02/ss-360x180.jpg)
മഞ്ഞള്‍ വിദ്യ
നിങ്ങള്‍ ഏത് ഷാംപൂ ആണോ ഉപയോഗിക്കുന്നത് അതിൽ നിന്ന് കുറച്ച് ഒരു പാത്രത്തില്‍ എടുക്കണം. ഇതിലേയ്ക്ക് കുറച്ച് നല്ല ഫ്രഷ് മഞ്ഞള്‍പ്പൊടി ചേര്‍ത്ത് നന്നായി മിക്‌സ് ചെയ്യുക. മഞ്ഞള്‍ ചേര്‍ത്തതിന് ശേഷം ഷാംപൂവിന്റെ നിറം മാറുന്നുണ്ടെങ്കില്‍, അതായത്, ചുവപ്പ് നിറത്തിലേയ്ക്ക് മാറുന്നുണ്ടെങ്കില്‍ അതിനര്‍ത്ഥം നിങ്ങള്‍ ഉപയോഗിക്കുന്ന ഷാംപൂവില്‍ കെമിക്കല്‍സ് അമിതമായി അടങ്ങിയിട്ടുണ്ട് എന്നാണ്.
ഇതല്ല, മറിച്ച് നിങ്ങള്‍ മഞ്ഞള്‍ മിക്‌സ് ചെയ്തതിന് ശേഷവും അതിന് മഞ്ഞ നിറം തന്നെയാണെങ്കല്‍ അതിനര്‍ത്ഥം ഇതില്‍ കെമിക്കല്‍സ് കുറവാണ് എന്നാണ്. അതിനാല്‍ അടുത്ത തവണ ഷാംപൂ വാങ്ങുമ്പോൾ ഈ വിദ്യ ഒന്ന് പരീക്ഷിച്ചുനോക്കി നിങ്ങളുടെ ഷാംപൂ വീര്യം കൂടിയതാണോ കുറഞ്ഞതാണോ എന്ന് മനസിലാക്കാം.
കെമിക്കല്‍സ് അടങ്ങിയ ഷാംപൂ ഉപയോഗം
ഇന്ന് പലര്‍ക്കും മുടി കൊഴിച്ചില്‍ അതുപോലെ തന്നെ താരന്‍ എന്നിവ അമിതമായി കാണപ്പെടുന്നുണ്ട്. നിങ്ങളുടെ തലയില്‍ താരന്‍ അമിതമായി വരുന്നുണ്ടെങ്കില്‍ അതിന്റെ പ്രധാന കാരണങ്ങളില്‍ ഒന്ന് അമിതമായിട്ടുള്ള ഷാംപൂ ഉപയോഗം തന്നെയാണ്. പ്രത്യേകിച്ച് കെമിക്കല്‍സ് അമിതമാണെങഅകില്‍ തല അമിതമായി വറണ്ട് പോകുന്നതിലേയ്ക്കും മുടി വരണ്ട് വേഗത്തില്‍ തന്നെ പൊട്ടി പോകുന്നതിലേയ്ക്കുമെല്ലാം ഇത് നയിക്കുന്നുണ്ട്.
താരന്‍ പ്രശ്‌നം മാത്രമല്ല, താരന്‍ അമിതമാകുമ്പോള്‍ അത് മുടി കൊഴിച്ചിലിലേയ്ക്കും നയിക്കുന്നു. അതുപോലെ തന്നെ, ചിലര്‍ക്ക തലയില്‍ ചൊറിച്ചില്‍ പുകച്ചില്‍, അലര്‍ജി പ്രശ്‌നങ്ങള്‍ എന്നിവയ്ക്കും അമിതമായിട്ടുള്ള കെമിക്കല്‍സ് അടങ്ങിയ ഷാംപൂ ഉപയോഗം നയിക്കുന്നുണ്ട്.
ഷാംപൂ ഉപയോഗിക്കേണ്ട രീതി
ആഴ്ച്ചയില്‍ രണ്ട് വട്ടമെങ്കിലും ഷാംപൂ ഉപയോഗിച്ച് തല കഴുകുന്നത് സത്യത്തില്‍ തലയില്‍ നിന്നും അഴുക്കും വിയര്‍പ്പും നീക്കം ചെയ്യുന്നതിന് വളരെയധികം സഹായിക്കുന്നുണ്ട്. ഇത് തലയില്‍ യീസ്റ്റ് ഇന്‍ഫക്ഷന്‍ വരാതിരിക്കാന്‍ സഹായിക്കുന്നു. അതുപോലെ തന്നെ മുടിയുടെ ആരോഗ്യം നിലനിര്‍ത്താനും ഇത് വളരെയധികം നല്ലതാണ്.
നല്ല നാച്വറല്‍ ഷാംപൂ ആണ് നിങ്ങള്‍ ഉപയോഗിക്കുന്നതെങ്കില്‍ മുടി കൊഴിച്ചില്‍ കുറയ്ക്കാനും മുടിയ്ക്ക് നല്ല ആരോഗ്യമം നിലനിര്‍ത്താനും നല്ല തിളക്കവും സില്‍ക്കി ടെക്‌സ്ച്വര്‍ ലഭിക്കുന്നതിനും ഇത് സഹായിക്കുന്നു. അതുപോലെ തന്നെ തലയിലെ അമിതമായിട്ടുള്ള എണ്ണമയം നീക്കം ചെയ്യാനും ഷാംപൂ ഉപയോഗിക്കുന്നത് സഹായിക്കുന്നുണ്ട്. ഷാംപൂ ഉപയോഗിക്കുമ്പോള്‍ നേകിട്ട് ഒരിക്കലും തലയിലേയ്ക്ക് ഷാംപൂ ഇട്ട് തേച്ച് കുളിക്കരുത്. പകരം, കയ്യിലേയ്ക്ക് ഷാംപൂ ഒഴിച്ച് ഇതിലേയ്ക്ക് കുറച്ച് വെള്ളവും ചേര്‍ത്ത് പതപ്പിച്ച് വേണം തലയില്‍ തേയ്ക്കാന്‍ ഇത് ഷാംപൂവിലെ കെമിക്കല്‍സ് തലയിലേയ്ക്ക് നേരിട്ട് എത്തുന്നത് തടയാന്‍ സഹായിക്കുന്നുണ്ട്.
Video – തേങ്ങാപ്പാൽ ഷാംപൂ
കൊഴിച്ചിൽ തടഞ്ഞ് മുടി വളർത്തും തേങ്ങാപ്പാൽ ഷാംപൂ
പകരം പ്രകൃതിദത്ത ഷാംപൂ
ഒട്ടും കെമിക്കല്‍സ് ഇല്ലാത്ത നാച്വറല്‍ ഷാംപൂ നമ്മള്‍ക്ക് വീട്ടില്‍ തന്നെ തയ്യാറാക്കി ഉപയോഗിക്കാവുന്നതാണ്. പ്രത്യേകിച്ച്, ഉലുവ, ചെമ്പരത്തി എന്നിവയെല്ലാം നല്ല ഷാംപൂ ആയി നമ്മള്‍ക്ക് ഉപയോഗിക്കാവുന്നവയാണ്. ഇത്തരത്തില്‍ വീട്ടില്‍ തന്നെ തയ്യാറാക്കി എടുക്കാവുന്ന കുറച്ച് ഷാംപൂ ഏതെല്ലാമെന്ന് നോക്കാം.
ചെമ്പരത്തി താളി: തികച്ചും നാച്വറലായി തന്നെ നമ്മള്‍ക്ക് വീട്ടില്‍ ഉപയോഗിക്കാവുന്ന ഒരു ഷാംപൂ ആണ് ചെമ്പരത്തി താളി. ചിലര്‍ ഉലുവയും ചെമ്പരത്തിയുടെ പൂവും ഇലയും ചേര്‍ത്ത് അരച്ച് ചലയില്‍ തേയ്ക്കാറഉണ്ട്. ചെമ്പരത്തിയുടെ ഇല മാത്രം അരച്ച് തേയ്ക്കുന്നതും നല്ലതാണ്. ഇത് മുടി നല്ലപോലെ വളരാനും മുടി കൊഴിച്ചില്‍ അകറ്റാനും സഹായിക്കുന്നുണ്ട്.
മറ്റ് രണ്ട് രീതികൾ
ഉലുവ താളി: ചെമ്പരത്തി പോലെ തന്നെ നിങ്ങള്‍ക്ക് ഉലുവയും നല്ലൊരു ഷാംപൂ പോലെ ഉപയോഗിക്കാവുന്നതാണ്. ഇത് മുടിയില്‍ നിന്നും അഴുക്ക് നീക്കുകയും ഷാംപൂ ഉപയോഗിച്ചത് പോലെ തന്നെ മുടിയിലെ എണ്ണമയം നീക്കം ചെയ്യാന്‍ സഹായിക്കുകയും ചെയ്യുന്നുണ്ട്. ഇത് തയ്യാറാക്കാൻ ഉലുവ കുതിര്‍ത്ത് അരച്ച് തലയില്‍ തേയ്ക്കാവുന്നതാണ്.
മുരിങ്ങയില താളി: മുരിങ്ങയുടെ ഇലയും നല്ലൊരു നാച്വറല്‍ ഷാംപൂ ആണ്. ഇത് നിങ്ങള്‍ക്ക് തലയില്‍ അരച്ച് ആഴ്ച്ചയില്‍ ഒരിക്കല്‍ തേയ്ക്കാവുന്നതാണ.് ഇതും മുടി വളര്‍ത്താനും മുടിയില്‍ നിന്നും അമിതമായിട്ടുള്ള എണ്ണമയം നീക്കം ചെയ്യാനും സഹായിക്കും.
അഞ്ജലി എം സി നെ കുറിച്ച്
അഞ്ജലി എം സി ഡിജിറ്റൽ കണ്ടൻ്റ് പ്രൊഡ്യൂസർ
പത്ര പ്രവര്‍ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്‌കൂള്‍ കാലഘട്ടം മുതല്‍ സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന്‍ പ്രേരിപ്പിച്ചത്. മാധ്യമ മേഖലയില്‍ മൂന്ന് വര്‍ഷത്തെ പ്രവര്‍ത്തി പരിചയമുള്ള അഞ്ജലി ലൈഫ്‌സ്‌റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.Read More
![ശിവസേന [ഷിൻഡെ വിഭാഗം]](https://www.udayakeralam.com/wp-content/uploads/2025/02/ss-120x86.jpg)
