മുടികൊഴിച്ചിൽ കുറയ്ക്കാൻ കഴിക്കേണ്ട ചില ഭക്ഷണങ്ങൾ

Authored by റ്റീന മാത്യു | Samayam Malayalam | Updated: 30 Aug 2023, 10:03 pm

മുടി അഴകിന് പലപ്പോഴും പുറത്ത് നിന്ന് നൽകുന്ന സംരക്ഷണം മാത്രമല്ല, കഴിക്കുന്ന ഭക്ഷണത്തിലും അൽപ്പം ശ്രദ്ധ നൽകേണ്ടത് ഏറെ പ്രധാനമാണ്. മുടി കൊഴിഞ്ഞ് പോകുന്നത് പലരുടെയും ആത്മവിശ്വാസം പോലും ഇല്ലാതാക്കാറുണ്ട്. മുടി കൊഴിച്ചിൽ മാറ്റാൻ ഭക്ഷണത്തിൽ ഉൾപ്പെടുത്തേണ്ട വൈറ്റമിൻ ബി 12 ലഭിക്കാൻ കഴിക്കേണ്ട ഭക്ഷണങ്ങൾ ഇവയാണ്. 

• 

  പാലും പാൽ ഉത്പ്പന്നങ്ങളും

  മുടി വളർച്ചയ്ക്ക് ഏറെ സഹായിക്കുന്നതാണ് പാൽ ഉത്പ്പനങ്ങൾ. മുടിയുടെ വളർച്ചയ്ക്ക് സഹായിക്കുന്ന ബയോട്ടിൻ ധാരാളമായി പാലിൽ അടങ്ങിയിട്ടുണ്ട്. ഇത് മുടി വളരാൻ ഏറെ സഹായിക്കും.

• 

  ഇലക്കറികൾ

  ഇലക്കറികൾ കഴിക്കുന്നത് ആരോഗ്യത്തിന് പല തരത്തിലുള്ള ഗുണങ്ങളാണ് നൽകുന്നത്. മാത്രമല്ല ഇതിൽ ധാരാളം ധാതുക്കളും വൈറ്റമിനുകളുമൊക്കെ അടങ്ങിയിട്ടുണ്ട്. മുടി വളർച്ചയ്ക്കും ഇത് ഏറെ നല്ലതാണ്.

• 

  പയർ വർഗങ്ങൾ

  മുടിയുടെ ആരോഗ്യത്തിന് ഏറെ മികച്ചതാണ് പയർ വർഗങ്ങൾ. ദിവസവും ഭക്ഷണത്തിൽ ഇത് ഉൾപ്പെടുത്താൻ ശ്രമിക്കുക. അല്ലെങ്കിൽ ആഴ്ചയിൽ ഒന്നോ രണ്ടോ ദിവസമെങ്കിലും കഴിക്കണം.

• 

  മത്സ്യം

  ഒമേഗ 3 ഫാറ്റി ആസിഡ് മത്സ്യത്തിൽ ധാരാളം അടങ്ങിയിട്ടുണ്ട്. സാൽമൺ, അയല തുടങ്ങിയ മത്സ്യങ്ങൾ തീർച്ചയായും ഭക്ഷണത്തിൽ ഉൾപ്പെടുത്താൻ ശ്രമിക്കണം.

• 

  മുട്ട

  മുട്ടയിൽ ധാരാളം പ്രോട്ടീനുകൾ അടങ്ങിയിട്ടുണ്ട്. മുടിയ്ക്ക് ആവശ്യമായതാണ് ഈ പ്രോട്ടീൻ. മുട്ടയിൽ ധാരാളം വൈറ്റമിൻ ബി അടങ്ങിയിട്ടുണ്ട്. ഇത് മുടി വളർച്ച ഇരട്ടിയാക്കാൻ സഹായിക്കും.

• 

  നട്സ്

  ആരോഗ്യത്തിന് ഏറെ നല്ലതാണ് നട്സ് കഴിക്കുന്നത്. അതുപോലെ മുടിയുടെ സ്വാഭാവിക വളർച്ചയ്ക്കും തിളക്കത്തിനും നട്സ് ഏറെ ഗുണം ചെയ്യും. സ്നാക്സായിട്ട് ഭക്ഷണത്തിൽ നട്സ് ഉൾപ്പെടുത്തുന്നത് ഏറെ നല്ലതാണ്.