യുഎഇയിൽ ഹെലികോപ്റ്റര്‍ കടലില്‍ തകര്‍ന്നുവീണു; പൈലറ്റുമാർക്കായി തിരച്ചിൽ

Also Read: യുഎഇയിലെ പ്രമുഖ കമ്പനിയിലേക്ക് വിവിധ തസ്തികകളിലേക്ക് നിയമനം; താമസം, വിസ, എയർ ടിക്കറ്റ് സൗജന്യം
ജി20 രാജ്യങ്ങളും യു.എ.ഇയും തമ്മിലുള്ള വ്യാപാര, നിക്ഷേപ ബന്ധങ്ങൾ കരുത്താർജിക്കുന്നു: ഡോ. താനി ബിൻ അഹമ്മദ് അൽ സെയൂദി

ദുബായ്: ജി20 രാജ്യങ്ങളും യുഎഇയും തമ്മിൽ കൂടുതൽ കരുത്താർജിക്കുകയാണെന്ന് വിദേശ വ്യാപാര സഹമന്ത്രി ഡോ. താനി ബിൻ അഹമ്മദ് അൽ സെയൂദി. കഴിഞ്ഞ വർഷം മാത്രം ജി20 രാജ്യങ്ങളുമായി നടന്നത് 34,100 കോടിയുടെ എണ്ണയിതര വ്യാപാരം ആണെന്നും അദ്ദേഹം വ്യക്തമാക്കി. എണ്ണയിതര വ്യാപാരത്തിന്‍റെ 55 ശതമാനം മറ്റു രാജ്യങ്ങളുമായി നടന്നത് നല്ല ലക്ഷണമാണെന്നും അദ്ദേഹം പറഞ്ഞു. ജി20 ഉച്ചകോടിയിൽ പങ്കെടുക്കുന്നതിനായി ന്യൂഡൽഹിയിൽ എത്തിയതായിരുന്നു വിദേശകാര്യ സഹമന്ത്രി.

കഴിഞ്ഞ വർഷത്തെ അപേക്ഷിച്ച് എണ്ണയിതര വ്യാപാരത്തിൽ രേഖപ്പെടുത്തിയത് 21 ശതമാനത്തിന്‍റെ വളർച്ചയാണ്. 2020നെ അപേക്ഷിച്ച് 56 ശതമാനത്തിന്‍റെ വർധനവാണ് ഈ വർഷം രേഖപ്പെടുത്തിയിരിക്കുന്നത്. യുഎഇയുടെ ഏറ്റവും വലിയ വ്യാപാര പങ്കാളികളാണ് ജി20 രാജ്യങ്ങൾ. കഴിഞ്ഞ വർഷം 43 ശതമാനത്തിന്‍റെ എണ്ണയിതര വ്യാപാരം ആണ് ഈ രാജ്യങ്ങളുമായി യുഎഇ നടത്തിയതെന്നും മന്ത്രി പറഞ്ഞു.

കയറ്റുമതിയുടെ 39 ശതമാനവും ഇറക്കുമതിയുടെ 69 ശതമാനവും ജി20 രാജ്യങ്ങളുമായിട്ടാണ് നടന്നത്. ജി20 രാജ്യങ്ങളുമായുള്ള എണ്ണയിതര വ്യാപാരത്തിൽ 10.6 ശതമാനത്തിന്‍റെ വളർച്ചയാണ് രേഖപ്പെടുത്തിയിരിക്കുന്നത്. ഇതുവരെ 23.4 ശതകോടി ഡോളറിന്‍റെ വ്യാപാരമാണ് ഈ രാജ്യങ്ങളുമായി യുഎഇ നടത്തിയത്. കഴിഞ്ഞ വർഷത്തെ കണക്കുകൾ പരിശോധിക്കുമ്പോൾ ഇത് കൂടുതലാണ്.
Read Latest Gulf News and Malayalam News